دليل خيم رمضان 2026.. أسعار الإفطار والسحور في أفضل أماكن الخروجات الرمضانية (محدث)
أسعار خيم رمضان أماكن إفطار في التجمع إفطار رمضان في القاهرة خروجات رمضان خيم رمضان 2026 في القاهرة خيم رمضان الشيخ زايد خيم رمضان على النيل سحور رمضان 2026
Mohamed Talaat
مافيش أحلى من اللمة في رمضان 2026، وما بين قعدة العيلة وصحاب زمان، دايمًا الخروجة الحلوة هي اللي بتكمل الصورة. علشان كده جمعنالك في كايرو360 دليل خيم رمضان في القاهرة 2026، بأسعار الإفطار والسحور، واخترنا لكم أماكن تناسب كل الأذواق والميزانيات، من الفخامة الملكي لحد الأجواء الشبابي على النيل.
اختار خيمتك واستعد لليلة رمضانية بتحلي اللمة بجد.
مايفوتكش كمان: إمساكية شهر رمضان 2026 في مصر.. مواعيد السحور والإفطار وعدد ساعات الصيام
خيمة وناسة (Wannasa)
ملاذ الفخامة اللي بيجمع بين الأناقة العصرية ودفء التراث الرمضاني في 4 مواقع استراتيجية، وعندهم مجموعة متميزة من البرامج الترفيهية كل يوم مختلف عن التاني.
المكان: “ذا أرك” التجمع الخامس، الشيخ زايد، رويال بارك، وNew Giza.
الأسعار: الإفطار: (2000 – 2100 – 2500 – 3150) جنيه.
السحور: (800 – 1050 – 1450 – 1650) جنيه.
المشروبات: تبدأ من 75 جنيه للشاي
الميزة: ديكورات راقية وعروض حية متميزة جداً.
للحجز: 01063069309 (اتصال أو واتس آب).
خيمة السرايا (Al Saraya)
فخامة الاسم تكفي، خصوصاً لما تكون الخيمة داخل واحد من أعرق القصور التاريخية في مصر، وعندهم برامج ترفيهية متميزة من تخت شرقي وتنورة ونجوم متنوعة في الحفلات اليومية عندهم، وكمان لو حاجزين ان دور بيكون لكم جولة داخل القصر الملكي في الأماكن المسموح زيارتها.
المكان: قصر عابدين التاريخي – وسط البلد.
الأسعار: سعر الفرد غير محدد ومن الممكن التواصل معهم مباشرة.
الميزة: تجربة ملكية وديكورات فخمة مع برامج فنية متنوعة.
للحجز: 01080080799 (اتصال أو واتس آب).
خيمة الليلة الكبيرة (El Leila El Kebira)
الخيمة اللي قدرت تحافظ على نجاحها من السنة اللي فاتت ببرامجها المتميزة وروح “الليلة الكبيرة”.
المكان: الكيلو 26 طريق مصر إسكندرية الصحراوي.
الأسعار: * الإفطار (بوفيه مفتوح): 999 جنيه للفرد.
السحور: 399 جنيه للفرد.
الميزة: ديكورات مستوحاة من الأوبريت الشهير وأجواء عائلية بامتياز.
للحجز: 01142926447 (اتصال أو واتس آب).
خيمة ليالي القاهرة (Layali El-Qahera)
لو بتدور على النيل والهدوء في قلب الزمالك، يبقى ده مكانك المناسب.
المكان: مركب “بلو نايل” – الزمالك.
الأسعار: الإفطار (بوفيه مفتوح): 1300 جنيه للفرد.
السحور: 750 جنيه للفرد.
الميزة: عروض فنية حية بطلها “التخت الشرقي” على ضفاف النيل.
للحجز: 01278111168 (اتصال أو واتس آب).
خيمة ألمظ (Almaz)
أجواء رمضانية مودرن وأكلات متميزة في قلب القاهرة الجديدة.
المكان: محور محمد نجيب – التجمع الثالث.
الأسعار: الإفطار (بوفيه مفتوح): 745 جنيه للفرد.
السحور (سيت منيو): 501 جنيه للفرد.
الميزة: بوفيه إفطار متنوع جداً وأجواء شبابية مريحة.
للحجز: 01274550200 (اتصال أو واتس آب).
سمو
بتتميز خيمة سمو بالديكورات العصرية المصممة بروح شهر رمضان وديكوراته المميزة، وعندهم كمان حفلات متنوعة بيتميزوا بيها، ولو معاكم أطفال فيه كيدز ايريا علشان تاخدوا راحتكم في الخروجة اللي أكيد هتكون مميزة.
المكان: الشيخ زايد – سنترادا بلازا مول.
الأسعار: تبدأ من 1800جنيه للإفطار – و750 جنيه للسحور.
الميزة: برامج مختلفة ومناسبة للأسر وكيدز ايريا.
للحجز: 01040060018 (اتصال أو واتس آب).
The Nile Anshor
عندما يجتمع النيل مع وجبات إفطار وسحور رمضان بيكون مميز جدًا وده اللي بيقدمه The Nile Anshor بأجواء رمضانية متميزة، وافطار ست منيو وسحور أوبن بوفيه.
المكان: “The nile Anshorh” الدقي – الجيزة.
الأسعار: الإفطار: 950 جنيه، السحور 650 جنيه.
الميزة: أجواء نيلية متميزة.
للحجز: 01211146222 (اتصال أو واتس آب).
المشرفية
مش مجرد خيمة رمضانية عادية، دي خيمة مليانة حضارة بتجمع ما بين التاريخ المصري القديم وروح رمضان المتميزة بتجربة متكاملة مع تخت شرقي
المكان: المتحف المصري الكبير.
الأسعار: تبدأ من 3900 جنيه للافطار و3100 جنيه للسحور.
الميزة: داخل المتحف المصري الكبير.
للحجز: 01090322259 (اتصال أو واتس آب)
حكاوي القاهرة
من الخيم المتميزة اللي بتجمع بين التاريخ الأثري والروح الرمضانية بديكورات حصرية متميزة مع فقرات متنوعة خلال حفلات الإفطار والسحور.
المكان: بير يوسف – القلعة.
الأسعار: غير محددة حتى الآن ويجب التواصل هاتفيا لمعرفتها.
الميزة: داخل قلعة صلاح الدين الأيوبي – ديكورات متميزة – أجواء رمضانية حصرية.
للحجز: 01044887553 (اتصال أو واتس آب)
المسحراتي
أجواء زمان راجعة تاني في أول خيمة في زهراء المعادي واللي بتجمع أجواء رمضان زمان مع السحور المميز
المكان: شارع السعادة – أمام كافيه حارة 8 – زهراء المعادي.
الأسعار: غير محددة حتى الآن ويمكن التواصل هاتفيًا لمعرفتها.
الميزة: ديكورات وأجواء رمضان زمان
للحجز: 01118921915 (اتصال أو واتس آب)
قرية ستو
الكلاسيك عنوانهم بزينة رمضان وديكورات متميزة وعلى رأسها الفانوس وعربيات صناعة الحلويات بتاعة زمان زي عربية البطاطا والحمص وغزل البنات وغيرهم وعندهم حفلات مختلفة سواء التنورة أو السكسفون والمزمار وغيرها مع باندات ومنشدين وغيرهم.
المكان: أمام بوابة 9 للجامعة الأمريكية – داخل الغابة المتحجرة – القاهرة الجيدية.
الأسعار: الافطار ست منيو يبدأ من 500 جنيه للفرد والسحور متوسط السعر للفرد 250 جنيه.
الميزة: ديكورات وأجواء رمضان كلاسيك
للحجز: 01066922222 (اتصال أو واتس آب)
يالا رمضان
بأجواء وديكورات مبتكرة ومبدعة السحور عندهم هيكون أحلى وكمان عندهم فقرات فنية متميزة كل ويك إند “تخت شرقي – تنورة – مزمار – مغنيين” وغيرهم..
المكان: TBK – شارع التسعين الجنوبي – بجوار الجامعة الأمريكية – القاهرة الجديدة.
الأسعار: السحور يبدأ من 275 لصينية الفرد الواحد.
الميزة: ديكورات وأجواء رمضانية بتجربة جديدة في التجمع الخامس.
للحجز: 01287717170 (اتصال أو واتس آب)
نغم القاهرة الجديدة
بأجواء رمضانية متميزة وديكورات مودرن متنوعة وحفلات متنوعة لفرق ونجوم الفن هتستمتعوا بإفطار وسحور في نغم القاهرة الجديدة بخدمة فندقية.
المكان:
الأسعار: يبدأ من 1800 جنيه لللإفطار – 1400 جنيه للسحور
الميزة: خدمة فندقية متميزة ومنيو متنوع.
للحجز: 01080044416 (اتصال أو واتس).
نغم النيل
بأجواء رمضانية متميزة وديكورات مودرن متنوعة وحفلات متنوعة لفرق ونجوم الفن هتستمتعوا بإفطار وسحور في نغم النيل مع فيو مميز بخدمة فندقية.
الأسعار: تبدأ من 1400 جنيه للإفطار – 1200 جنيه للسحور.
الميزة: خدمة فندقية متميزة ومنيو متنوع مع فيو النيل.
للحجز: 01080044416 (اتصال أو واتس).
وأخيرًا..
سواء بتدور على خيمة رمضان فخمة في القاهرة 2026، أو مكان سعره مناسب للإفطار والسحور، أو خروجة على النيل، الدليل ده هيساعدك تختار بسهولة. احجز بدري علشان الأماكن بتتملي بسرعة، وخلي خروجة رمضان السنة دي مختلفة.
مقترح
الحياة في كايرو
القاهرة من الليل للفجر بعد ترشيد الكهرباء 2026.. هل أصبحت مظلمة أم أكثر سحرًا؟
الحياة الليلية الفجر +7
معالم وسياحة
