“عمو فؤاد”.. خيمة في القاهرة فيها كل تفاصيل رمضان زمان
خيم رمضانية خيم في القاهرة خيمة عمو فؤاد رمضان في مصر مجاز مول محمود الليثي مسلم
Cairo 360
الخيم واحدة من أجمل مظاهر شهر رمضان في القاهرة، مكان بيجمع الأصدقاء والحبايب وبيدي للشهر الكريم شكل مبهج ومختلف، ومن الخيم المميزة اللي زرناها مؤخرًا في القاهرة، خيمة “عمو فؤاد” اللي نقدر نعتبرها بجد أكثر من مجرد مكان ممتع أو لوكيشن جامد لتصوير لحظات عمرك ما هتنساها.
خيمة “عمو فؤاد” موجودة في في مول مجاز بالشيخ زايد، وهي مش للأكل وبس، دي مكان لقينا فيه عروض رمضانية ساحرة زي رقصات المولوية والتنورة الشرقي، والسهرة بتحلو مع التخت الشرقي وفقرات الغناء من بعد الإفطار ولحد السحور.
الخيمة بتقدم تابلوهات استعراضية بتعبر عن الثقافات المختلفة للمدن المصرية والفلكلور الملائم لطقوس شهر رمضان، ده غير أنهم بيقدموا استعراض ضخم باسم “المولد” بتقدمه فرقة استعراضية.
وبيتضمن البرنامج كمان فقرات فنية خاصة بتناسب الأطفال أبرزها عروض الأراجوز و مسرح العرائس.
علشان تعرفوا تفاصيل أكثر وتحجزوا، تواصلوا معاهم من هنا.
الليثي ومسلم في الويك إند
يوم الخميس 21 مارس الفنان محمود الليثي هيقدم سهرة فنية رمضانية في خيمة عمو فؤاد قبل السحور، أما يوم الجمعة 22 مارس، فهنكون على موعد مع الفنان مسلم في سهرة مميزة جدًا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
