The Definitive Guide to Living in the Capital , Cairo , Egypt

القاهرة في المساء جميلة، الليل يعني جو حلو وزحمة أقل، والقاهرة فيها أماكن كتير مناسبة للخروجات المسائية، لكن من بين الأماكن الكثيرة دي فيه 3 أماكن بيكونوا مميزين جدًا أكثر من غيرهم في ليل القاهرة، تعالوا نعرفهم مع بعض.

 

Mall of Egypt – مول مصر

مول مميز جدًا في مصر، بتعود ملكيته وإدارته لشركة ماجد الفطيم، الشركة الرائدة في مراكز التسوق والتجزئة والترفيه في منطقة الشرق الأوسط وشمال أفريقيا، تم افتتاحه بقيمة 6 مليارات جنيه رسميًا في مارس 2017. بيقع مول مصر على طريق الواحات بمدينة السادس من أكتوبر، وبيضم أفضل محلات محلية ودولية وهتلاقوا هناك أرقى العلامات التجارية في العالم.

هتستمتعوا جدًا في مول مصر بأجمل الأنشطة الترفيهية العائلية زي سكي إيجيبت، وده أول منحدر تزلج داخلي في إفريقيا، بالإضافة إلى أكثر من 20 سينما متعددة الشاشات، ومركز الترفيه العائلي ماجيك بلانيت.

 

خان الخليلى

هناك هتعيش تجربة من أفضل تجارب الخروجات التاريخية في العالم. المكان أقرب للمتاهة، وكل ما هتمشي فيه أكثر هتكتشف حاجات أكثر. بيضم خان الخليلى كل شيء من التحف والمصابيح المعدنية الرائعة إلى المنسوجات المحلية. كمان بيضم الخان المقهى الأكثر شهرة فى القاهرة، مقهى الفيشاوي التاريخي.

 

برج القاهرة

بيعد من أهم وأشهر أماكن الخروج في ليل القاهرة، البرج كان أطول مبنى في كل إفريقيا (لحد عام 1971) بيبلغ ارتفاعه 187 متر، ومن فوقه هتشوف أهم معالم المدينة، وبتمزج عناصره الخارجية الخرسانية بين عناصر التصميم الحديث والقديم.

بيوفر البرج مناظر بانورامية خلابة للقاهرة هتقدر تشوفها من قمته، هتلاقي هناك آلة مراقبة ومطعم دوار، وده بيخليه تجربة مثالية للاستمتاع بغروب الشمس ومشاهدة أضواء المدينة في الليل.

مواعيد زيارة البرج: من 8 صباحًا وحتى 12 منتصف الليل يوميًا.

أما بالنسبة للكافيهات ومطاعم البرج فالمواعيد بتبدأ من 12 ظهرًا وحتى منتصف ليل القاهرة.

خروجة مسائية سعيدة!