The Definitive Guide to Living in the Capital , Cairo , Egypt

فيه براندات كتير مصرية مميزة وكل حاجة فيها حلوة، لكن من النادر أننا نلاقي براند بيهتم بالحضارة المصرية القديمة، ويسعى إنه ينشر فنونها الجميلة في عصرنا الحالي، وده اللي بيعمله براند Artx Planet للملابس، وهو براند مصري بيعملوا عظمة من خلال رسومات من العصر المصري القديم.

تعالوا نتعرف أكتر على الفكرة وتفاصيل أسعارهم.

هنا مصر.. هنا التاريخ.

رسالة وجهها أصحاب البراند علشان يوضحوا قيمة وجمال الحضارة المصرية واللي نقلوها على حوالي 30 تصميم مختلف لموسم صيف 2022، والجميل إن كل شغلهم بأيادي وجهود مصرية، وبخامات مصرية 100%، وصناعة وطباعة بمواصفات عالمية أهم ما يميزها الاتقان والدقة.

هتلاقوا في Artx Planet أشكال كتير تقدروا تختاروا منها اللي يعجبكم، ومنها موديلات عليها أشكال “أنوبيس – مفتاح الحياة – جعران – عين حورس” وده غير رموز وأساطير القدماء المصريين، وهتلاقوا عندهم تيشيرتات أو بنطلونات أو تريننج سوت كامل.

الأسعار عندهم معقولة مقارنة بالجودة، عندهم التيشرت بيبدأ من 225 جنيه، والبنطلون بـ240 جنيه، والتريننج 440 جنيه، ومتاح عندهم غالبية المقاسات.

تقدروا تعرفوا أكتر عنهم من خلال صفحة الفيسبوك من هنا.