The Definitive Guide to Living in the Capital , Cairo , Egypt

تسوق -
مقترح

أجمد خمس أماكن في القاهرة تشتري منهم تورتة على مزاجك

أجمد جلواني في القاهرةن محلات حلويات في القاهرة أفضل تورتة في القاهرة حلويات في مصر محلات تورتة في القاهرة
أجمد خمس أماكن في القاهرة تشتري منهم تورتة على مزاجك
بواسطة
Cairo 360

بقلم: رنا شرف

التورتة حاجة أساسية في أي مناسبة سعيدة في حياتنا، عيد ميلاد، خطوبة، فرح، نجاح، احتفال عادي، وحتى كمان في الزيارات المنزلية بتعتبر من الهدايا التقليدية المبهجة.

علشان كده، أغلبنا عاوز مكان حلو بيعمل تورتة مميزة وكمان سعرها في المعقول. النهارده جبنا لكم 5 أماكن في القاهرة بتعمل تورت عظمة.. يلا نبدأ.

 

حلواني لارين دوريه

لارين اسم قديم في مجال الحلويات في القاهرة، عنده كل أشكال التورت، شوكولاتة، موس، تورت فور سيزون، وكمان أسعاره معقولة بالنسبة للجودة العالية، يعني بداية من 160 جنيه ممكن تشتري من هناك تورتة حلوة نصين بالفواكه.

لارين دوريه موجود في 93 شارع عبد العزيز آل سعود، المنيل.

رقمهم:  23635539 02

حلواني العبد

العبد اسم كبير، ومعظمنا مجربين التورت عنده، واللي بتكون متنوعة الأنواع، زي تورتة البلاك فورست التقليدية اللي بيبدأ سعرها عنده من 120 جنيه، وتورتة الفواكه اللي بيبدأ سعرها هناك من 210 جنيه، وفيه كمان عنده تورت صيامي وشوكولاتة بيبدأ سعرها من 140 جنيه.

العبد له فروع كتير، يمكن أشهرهم فرع وسط البلد في 25 شارع طلعت حرب.

رقمهم: 16437

حلواني تسيباس

تسيباس من الأماكن المعروفة جدًا في القاهرة، وحلوياتهم سكرها مظبوط، والتورت عندهم متنوعة، زي وايت فورست  بالشوكولاتة البيضاء اللي بيبدأ سعرها من 210 جنيه، وتورتة لوتس بصوص اللوتس ودي سعرها 245 جنيه.

تسيباس له فروع كتير، زي وسط البلد والمطقم والمعادي، وكمان في 243 السوق التجاري، الرحاب.

رقمهم: 19918

حلواني سيموندس

سيموندس حلوانى جميل جدًا في القاهرة، تورت الفواكه عنده  متوسط سعرها 250 جنيه، كمان عنده تورتة شوكولاتة بكريمة البندق، ودي حلوة وسعرها بيبدأ من 250 جنيه، كمان  بيعمل تورتة شوكولاتة روشيه وشوكولاتة فري روشيه، ودي  سعرها بيبدأ من 295 جنيه.

سيموندس له أكتر من فرع، منهم فرع الدقي، في 98 شارع النيل.

رقمهم: 16264

حلو الشام 

حلو الشام من المحلات المعروفة كمان في مصر، المحل بيعمل حلويات شرقي وغربي، والتورت عنده جميلة وطعمها مميز، بتبدأ من 250 جنيه، والأشهر عنده الفورسيزون  المشهورة والنصين كريمة وشوكلاتة، وكل أشكال التورت التقليدية عنده.  

حلو الشام فرعه في 25 شارع خيرت، السيدة زينب.

رقمهم: 0227949798               

مقترح