أجمل 3 أماكن في القاهرة تشتري منهم فانوس رمضان 2023
أماكن لشراء الفوانيس اسعار فوانيس رمضان في القاهرة تشتري منين فانوس رمضان رمضان 2023 فوانيس رمضان
Cairo 360
الصور: unsplash.com
رنا شرف
الفانوس مظهر من مظاهر الاحتفال بهشر رمضان الكريم، وهو من الحاجات الجميلة اللي بتملى الأماكن بهجة وسرور وسعادة. كمان الفوانيس عادة قديمة بيحبها الأطفال والكبار.
في الموضوع ده، هنرشح لكم أجمل وأعرق 3 أماكن في العاصمة المصرية، تشتروا منهم فوانيس بأسعار معقولة.
السيدة زينب
من الأماكن الحلوة المبهجة في شهر رمضان، بسبب الشوادر اللي فيها فوانيس من كل الأشكال والأحجام. الأسعار هناك بتترواح من 50 جنيه للفانوس لحد 600 جنيه، والمنطقة هناك مبهجة من حيث الزينة الرمضانية والفوانيس، والشوادر بتزيد أكتر في المنطقة المحيطة بمسجد السيدة زينب.
الخيامية
هو عبارة عن شارع مسقوف فيه محلات أغلبها لصنايعية قماش الخيامية. الشارع بقي منور أكتر بالفوانيس والمفارش والديكورات المصنوعة من قماش الخيامية. والفوانس هناك جميلة جدًا، وسعرها بيبدأ من أول 60 جنيه، وبتوصل لحد 1000 جنيه.
الحسين
الحسين منطقة جميلة وعريقة والحالة الروحانية فيها عالية جدًا. الفوانيس هناك منتشرة وكتير، وبرضه الأسعار متفاوتة وفيها الرخيص والغالي، والأشكال متباينة، وأنت وذوقك! فيه الأشكال التقليدية اللي بالشمعة لحد الفوانيس الصيني اللي بتغني أغاني رمضان.
كل سنة وأنتم طيبين يا أهل القاهرة الكرام! رمضان أجمل بالفوانيس!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
