The Definitive Guide to Living in the Capital , Cairo , Egypt

رنا شرف

السفر، الشمس، والبحر، حاجات بتسبب بهجة وسعادة للناس اللي بتحب فصل الصيف، لكن آشعة الشمس الصعبة، ورغم كل الفوائد اللي فيها، ممكن تسبب مشاكل صحية، خصوصًا مع التعرض المباشر والقوي للشمس في ساعات معينة من اليوم.

علشان كدة، قولنا نجيب لكم أفضل منتجات واقي الشمس الموجودة في الأسواق المصرية، واللي بتتميز بجودة عالية وسعر مناسب، والجميل إنها صنعت في مصر.

1 – كامينا

منتج كامينا معروف لناس كتير، وهو ماركة مصرية أثبتت نفسها، وبتقدم منتجات كتير زي الشامبو والشاور جيل، وعندهم كمان كريم واقي للشمس سعره 40 جنيه، وبيعتبر من أرخص المنتجات المخصصة للشمس في الصيدليات، ودرجة حمايته من 35 ولحد 50.

2 – لونا

ماركة مصرية معروفة بمنتجات كتير، أشهرها مرطب الشفاه بالنكهات زي الفراولة والكنتلوب وغيرها، وأسعار منتجاتها رخيصة رغم جودتها العالية، وسعر واقي الشمس اللي بتقدمه لونا 105 جنيه، ودرجة حمايته من الشمس بتكون عالية.

3 – بوباي

منتج مصري جميل أثبت نفسه في الفترة الأخيرة، وبيقدم منتجات كتيرة للبشرة، منها مقشر للوجه، وصابون للبشرة، وزيت للبشرة ممكن تستخدموه علي البحر لو حابين تعملوا لون برونزي جميل، والشركة بتقدم واقي شمس حجمه 50 جرام سعره 80 جنيه.

وأخيرًا..

تقدروا تشتروا المنتجات اللي فاتت من أي صيدلية قريبة منكم أو من مواقع التسوق زي أمازون مصر، أو من تطبيقات تسوق الأدوية زي تطبيق فيزيتا.