The Definitive Guide to Living in the Capital , Cairo , Egypt

مع قرب عودة المدارس والجامعات بنحتاج نشتري مستلزمات كتير، والمشكلة الأكبر إن الأسعار زادت بدرجة كبيرة، علشان كده نقدر نعتبر معارض “أهلًا مدارس” هي اختيار معقول لشراء كافة مستلزمات المدارس، من كتب وكشاكيل وملابس وحقائب وأكثر. ومن يوم الجمعة 15 سبتمبر الجاري هتفتح معارض “أهلا مدارس” السنوية أبوابها للجمهور.

المعرض بيتم تنظيمه بالتعاون مع وزارتي التربية والتعليم والتموين والاتحاد العام للغرف التجارية وشعبة المكتبات وكيانات ثانية.

تعالوا نتعرف أكثر على تفاصيل وأماكن سلسلة المعارض واللي هتكون متاحة في القاهرة الكبرى وبعض محافظات الجمهورية.

المعرض اللي هيفتح لنا أبوابه من يوم يوم الجمعة 15 سبتمبر الجاري، هيضم أدوات ومستلزمات مكتبية ودراسية وملابس المدارس وسلع غذائية بتخفيضات بتوصل لـ20%، وهيكون المعرض مستمر حتى نهاية سبتمبر، وهيبقى متاح في القاهرة، واللي فيها أكبر قاعة عرض للمعرض، ودي هتكون داخل المعرض الرئيسي اللي موجود في جهاز تنمية المشروعات – أرض المعارض – مدينة نصر.

كمان المعرض هيكون له فروع متواجدة في نفس الوقت داخل بعض محافظات الجمهورية، وهي:

القاهرة: أرض المعارض – مدينة نصر.

شبرا الخيمة: ميدان المؤسسة.

كفر الشيخ: منطقة 47 عمارة بمدينة كفر الشيخ.

القليوبية: بنها شارع فريد ندا.

بني سويف: خلف الصالون الأخضر بمدينة بني سويف.

سوهاج: مدينة ناصر بحي شرق سوهاج.

الأقصر: السوق الحضري بمنطقة أبوالجود وسط مدينة الأقصر.

وشارع البحر وسط مدينة إسنا.

وأمام محطة السكة الحديد بوسط مدينة الأقصر.

مطروح: الحمام – العلمين.

سيدي براني – النجيلة.

محافظة البحر الأحمر: شارع النصر وسط مدينة الغردقة.

الوادي الجديد: شارع النبوى المهندس بالخارجة.

وميدان المستشفى بالداخلة.

أما محافظة البحيرة فهتضم 42 معرض هيكونوا منتشرين في الميادين الرئيسية لها داخل مدن “كفر الدوار – دمنهور – إيتاي البارود – أبو حمص”.

ومازالت الجهات المسئولة بتسعى لتغطية كل المحافظات وتنظيم المعرض في أكبر قدر ممكن من المدن.