Cairo 360
مع قرب الكريسماس الكل بيبدأ يستعد للاحتفال. بنشوف الأنوار والزينة في البيوت، في الشوارع، وفي كل الأماكن. وطبعًا أهم حاجة في الكريسماس، هي شجرة الكريسماس. علشان كده إحنا عملنا لكم دليل بأماكن بيع شجرة الكريسماس في القاهرة.
روكسي والكوربة
في منطقة روكسي والكوربة في مصر الجديدة، محلات ومكتبات كتيرة بتبيع شجرة الكريسماس. مش بس كده، هتلاقوا كمان كل مستلزماتها من الزينة والأضواء. وكل حاجة بأسعار مختلفة. في كمان تشكيلة من هدايا الكريسماس زي الأقلام والكوفيات والبالونات وغيرها.
شارع شبرا وخلوصي
منطقة شبرا فيها تشكيلة متنوعة من ديكورات الكريسماس، الأشجار بأنواعها وأحجامها المختلفة، وقطع الزينة والإضاءة.
سيتي ستارز
صعب تروح مكان زي مول سيتي ستارز، ومتلاقيش شجرة الكريسماس. هناك هتلاقي كل حاجة متعلقة بالكريسماس، مش بس الشجرة. هدايا وألعاب وزينة، أي حاجة هتفكر فيها هتلاقيها.
الزمالك
أشكال وأحجام مختلفة لشجرة الكريسماس، موجودة في محلات ومكتبات كتيرة في الزمالك. وطبعًا بأسعار مختلفة.
درب البرابرة في العتبة
لو بتفكر في أسعار معقولة وأقل من المحلات والمولات، هتلاقي شجرة الكريسماس في العتبة بالسعر اللي في دماغك. كل لوازم الكريسماس موجودة بأسعار أرخص.
أونلاين
مواقع كتيرة بتوفر شجرة الكريسماس برضه بأسعار وأحجام مختلفة. زي سوق أو جوميا.
كل سنة وأنتم طيبين.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
