الأفراح في كايرو: 8 خبراء تصميم فساتين أفراح لعرايس كايرو
Hend Salah
فكرة تحقيق للفرح المثالي عملية معقدة يا جماعة. يعني مبدئيًا لازم مصور شاطر وأكل لذيذ وأجواء ممتعة وطبعًا مكان حلو. لكن لو سألت العروسة إيه أهم حاجة عندها يوم فرحك هتكون الإجابة بدون تفكير: فستان الفرح أكيد!
الفكرة أنك عشان تدفعي رقم محترم في فستان هيتلبس يوم واحد بس أكيد قرار صعب.
أكيد اختيار الفستان المناسب هو أصعب قرار ممكن يواجه أي عروسة، لكن لو عايزة قماش حلو وتصميم خطير وأفكار مبتكرة، فإحنا يهمنا نساعدك وعلشان كده جمعنا ثمانية أسماء مهمة في عالم الأزياء أكيد هيعجبوكم.
مجموعة ديانا شعبان لفساتين الأفراح مستوحاة من الروح العربية والهندية واليونانية والفكتورية القديمة، وتعتبر فساتين فريدة من نوعها علشان بتقدم لكل عروسة الفخامة والتميز اللي تتمناه يوم فرحها. شوفوا تصميمات ديانا شعبان من هنا.
شيرين هي مصممة أزياء خريجة مركز التصميمات والموضة (إف دي سي)، ولها خط أزياء يحمل اسمها. لو كنتِ عروسة عايزة فستان فرح بسيط وفيه لمسة شياكة، بلاش تفكير كثير واطلعي كايرو بوتيك علشان تشوفي مجموعة شيرين المميزة. تقدري كمان تتفرجي على جزء من أعمالها على صفحتها على فيس بوك.
أكيد هتستغربوا إن نسمة حلمي صاحبة 33 سنة وخريجة كلية علوم اختارت تكون مصممة أزياء محترفة، وقدرت تغزو السوق المصري بخط فساتينها التفصيل للزفاف. نسمة كمان كانت العقل المدبر لفساتين عدد كبير من المشاهير، وتمتلك بوتيك خاص بيها في المعادي. شوفوا صفحتها على فيس بوك واعرفوا أكثر عن شغلها.
مين قال إن فستان الفرح لازم يكون أبيض؟ ياسمين يحيى وهي واحدة من أشهر الأسماء في عالم الأزياء وتحديدًا فساتين الأفراح بتقدم تصميمات مبتكرة تجمع بين درجات الأبيض التقليدية مع ألوان ثانية بحيث الفستان يكون له شكل جريء ومميز. اعرفوا أكثر عنMaison Yeya من صفحتهم على فيس بوك وموقعهم الرسمي.
شايز كوتور Shay's Couture
حصلت مصممة الأزياء المصرية شيماء ماهر على دبلومة من الأكاديمية الإيطالية للموضة، وبعدها أسست شايز كوتور Shay's Couture علشان تقدم لمستها المميزة على فساتين الأفراح. تقدروا تشوفوا شغلها من هنا.
.
فساتين أفراح أماني الشريف ساحرة وبتخطف قلب أي عروسة، خصوصًا إنها بتجمع بين الشياكة والجرأة. ستايل أماني بيركز على الأناقة والاهتمام بالتفاصيل، وأهم حاجة عندها إنها تحقق حلم كل عروسة في يوم فرحها. اعرفوا أكثر عن عالم أزياء أماني الشريف من هنا.
ملك العزاوي دائمًا بتتحدى كل القيود في فساتينها، والأكيد إن أي فستان من تصميمها هيكون أجمل هدية ليوم فرحك. فساتين ملك كمان تتميز بالأناقة كونها بتستخدم أقمشة عالية الجودة من مصر والسعودية ونيويورك وباريس. ممكن تعرفوا أكثر عن شغل ملك فوزي من صفحتها على فيس بوك.
"كفاية أفكار قديمة وخلونا نفكر في حاجة جديدة"، هو ده شعار هديل اللي نقدر نقول عليها فنانة موهوبة بتصمم مجموعة من أحلى فساتين الأفراح.
.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
