The Definitive Guide to Living in the Capital , Cairo , Egypt

تسوق

التوصيل لحد البيت.. أسعار الكحك والبسكويت في أهم محلات القاهرة

DietHouse dukes العبد بسكو مصر تسيباس سيموندس لابوم ماندرين قويدر مونجيني نولا
التوصيل لحد البيت.. أسعار الكحك والبسكويت في أهم محلات القاهرة
بواسطة
Mohamed Talaat

كل سنة وأنتم طيبين، وفي العيد متجمعين، وفي البيت قاعدين، وعلشان العيد مايحلاش إلا مع الكحك والبسكويت والبيتي فور والغربية، هنقول لكم في السطور الجاية على أسعار منتجات عيد الفطر 2020 في مجموعة من أفضل وأشهر المحلات في القاهرة، وبننصحكم تطلبوها دليفري علشان تتجنبوا الزحمة والاختلاط.

العبد

تاريخ كبير في عالم الحلويات.. وعندهم كيلو كحك سادة أو ملبن أو بالعجمية سعر الكيلو 110 جنيه، وكحك عين الجمل بـ160 جنيه، وكحك الفسدق بـ170 جنيه، وكيلو الغريبة عندهم سعره 150 جنيه، والبسكويت سادة أو بالبرتقال وجوز الهند والشيكولاتة الكوكيز بـ95 جنيه، والبيتي فور السادة سعره 120 جنيه، وبالمكسرات 150 جنيه، أما المنين سادة أو بالعجوة فسعر الكيلو 95 جنيه.

وتقدروا تطلبوا كل اللي نفسكم فيه من خلال الاتصال برقم 16437 ، وكمان ممكن تطلبوا عن طريق أبليكيشن “أطلب – المنيوز” في أي منطقة وتقدروا تعرفوا أكتر عن منتجاتهم من خلال صفحتهم على فيسبوك من هنا.

تسيباس

من أشهر صناع الحلويات في مصر، وعندهم كيلو الكحك السادة بـ120 جنيه، والملبن بـ110 جنيه، والعجوة بـ115 جنيه، والعجمية بـ125 جنيه، وكحك البندق بـ180 جنيه للكيلو، وكحك جوز الهند بـ190 جنيه، وكحك الفستق بـ240 جنيه، وسعر كيلو المنين السادة بـ85 جنيه، ومنين عجوة بـ70 جنيه، وكيلو الغربية سادة سعرها 120 جنيه، وبالبندق بـ230 جنيه، والفستق سعرالكيلو بـ235 جنيه.

أما سعر كيلو البسكويت 100 جنيه، وبسكويت بالبرتقال أو الشيكولاتة أو كوكتيل بـ110 جنيه، وسعر كيلو البسكويت جوز الهند بـ115 جنيه، وكمان سعر كيلو البيتي فور سادة أو كوكتيل أو شيكولاتة بـ145 جنيه.

وتقدروا تطلبوا منتجاتهم دليفري من خلال رقم 19918، ولو عاوزين تعرفوا أكتر زوروا صفحتهم على الفيسبوك من هنا.

House of Cocoa

عندهم 4 علب من منتجات العيد، منها علبة كحك وبيتي فور بالشيكولاتة سعرها 165 جنيه، وكمان علبة Sablés مشكل بيتي فور سعرها 175 جنيه، وعلبة كحك سادة سعرها 135 جنيه، وعلبة كحك مشكل “مكس” سعرها 155 جنيه.

وعلشان تطلبوا منتجاتهم اتصلوا على الخط الساخن 01222212480 أو زوروا صفحتهم على الفيسبوك من هنا.

لابوم

شعارهم السنة دي “كحك يدوب دوب”، وسعر الكيلو السادة للكحك أو عين الجمل 120 جنيه، والملبن والعجوة 110 جنيه، والمكسرات بـ180 جنيه، أما سعر كيلو البيتي فور 120 جنيه، وبيتي فور إسبيشيال بـ170 جنيه، وكيلو البسكويت جوز هند أو قرفة أو برتقال أو مربى 90 جنيه، والبسكويت البيتي أو بالزبدة بـ100 جنيه.

وعندهم كيلو الغريبة السادة بـ120 جنيه وباللوز بـ150 جنيه، أما البرازق بالفستق فسعر الكيلو 150 جنيه، والمعمول عين الجمل بـ210 جنيه، ومعمول بالفستق سعر الكيلو250 جنيه، والمنين العجوة سعر الكيلو 85 جنيه، والسادة بـ90 جنيه، وماتنسوش أن عندهم علب مغلفة جاهزة من كل الأنواع وزنها يبدأ من 250 جرام.

وعلشان تطلبوا منتجات لابوم لعيد الفطر 2020 تقدروا تتصلوا على رقم 01200016131 وكمان اعرفوا أكتر عن منتجاتهم من خلال صفحة الفيسبوك من هنا.

 

نولا كب كيك

عندهم علب مكس بتتباع جاهزة، الكيلو منها بـ165 جنيه، و2 كيلو بسعر 310 جنيه، و3 كيلو بسعر 465 جنيه، وكل علبة بيكون فيها “كحك سادة – كحك ملبن – كحك عجوة – بيتي فور فانيليا بالفسدق – بيتي فور شكولاتة بالبندق – غريبه بالفسدق – بسكويت فانيليا”.

وتقدروا تطلبوا دليفري من خلال رقمهم 16714، وزوروا صفحتهم علشان تعرفوا تفاصيل أكتر من هنا.

بسكو مصر

نقدر نقول ملك منتجات العيد، وكيلو الكحك السادة عندهم بـ105 جنيه، وكيلو الكحك بالعجمية أو التمر أو الملبن بـ110 جنيه، وكحك بعين الجمل بـ155 جنيه، وبيبيعوا الغربية السادة بـ120 جنيه لـ750 جرام، أما البسكويت السادة أو بالبرتقال فسعر الكيلو 85 جنيه، وكيلو البيتي فور السادة بـ110 جنيه، وبالفورماسيل المشكل بـ120 جنيه، وكمان عندهم علبة مشكل مميزة وزنها 2 كيلو بـ235 جنيه.

تقدروا تطلبوا منتجاتهم بالاتصال على رقم 16944، وعلشان تعرفوا أكتر زوروا صفحة الفيسبوك من هنا.

لابوار

السنة دي في عيد الفطر 2020 هيبيعوا علب بأحجام مختلفة، وعندهم العلبة درج صغيرة بـ800 جنيه، والكبيرة بـ1200 جنيه، أما العلبة المميزة فسعرها 1700 جنيه، والكبيرة الفاخرة سعرها 2000 جنيه.

وتقدروا تطلبوا اللي هتحتاجوه من خلال الخط الساخن رقم 19515، وعلشان تعرفوا معلومات أكتر زوروا صفحتهم على الفيسبوك من هنا.

Dukes

النظام عندهم البيع بالعلبة مش بالوزن، وطبعًا العلبة وزنها تقارب الكيلو، وسعر علبة الكحك سادة أو ملبن أو عجوة بـ140 جنيه، وعلبة كحك عجمية بـ160 جنيه، وعجمية عين جمل بـ190 جنيه، وعلبة البيتي فور 150 جنيه، وعلبة البسكويت سعرها 100 جنيه، وسعر علبة الغريبة 140 جنيه.

أما علب المشكل عندهم فتبدأ سعرها من 180 جنيه للعلبة 1 كيلو، والـ2 كيلو سعرها 330 جنيه، والـ3 كيلو بسعر 500 جنيه، ده كمان غير علبة مشكل 8 درج فضي سعرها 750 جنيه، ومشكل 8 درج خشب سعرها 1300 جنيه، وعلبة المشكل 12 درج خشب سعرها 1500 جنيه.

وتقدروا تطلبوا اللي محتاجينه منهم عن طريق الاتصال برقم 16340، وكمان اعرفوا أكتر عن منتجاتهم وفروعهم بزيارة صفحة الفيسبوك من هنا.

مونجيني

السنة دي عاملين نظام علب بأحجام مختلفة، والكحك السادة وزن 500 جرام، سعره 60 جنيه، والكحك عجوة أو ملبن أو عجمية سعر الـ250 جرام بـ30 جنيه، أما الفستق والبندق وعين الجمل فسعر الـ250 جرام بـ40 جنيه، كمان عندهم البيتي فور ساده أو شيكولاتة أو مشكل سعر العلبة 500 جرام بـ80 جنبه.

أما علبة الغريبة السادة وزن 250 جرام فسعرها 30 جنيه، وبالمكسرات هتكون بـ35 جنيه، وعلبة البسكويت نشادر أو برتقال أو شيكولاتة وزن 1 كيلو، سعرها 120 جنيه، وكمان عندهم علبة مشكل 2 درج سعرها 410 جنيه، وعلبة بيتي فور مشكل وزنها كيلو سعرها 155 جنيه.

ولو عاوزين تطلبوا دليفري تقدروا تتصلوا على رقم 19521 أو تزوروا صفحتهم على الفيسبوك علشان تعرفوا أكتر من هنا.

ماندرين قويدر

سعر كيلو الكحك عندهم سادة أو ملبن أو بالعجوة 120 جنيه، وعندهم معمول عين جمل سعر الكيلو 185 جنيه، ومعمول فسدق سعر الكيلو 240 جنيه، ده غير البيتي فور السادة الكيلو بـ130 جنيه، واللوكس يـ160 جنيه، أما البسكويت الكيلو بـ110 جنيه، والغريبة بـ130 جنيه.

تقدروا تطلبوا من خلال الخط الساخن على رقم ٠١٢٨٨٨٨٣٦٣٨ وزوروا صفحتهم على فيسبوك علشان تعرفوا أكتر من هنا.

سيموندس

عندهم كيلو الكحك ساده أو ملبن أو عجوة بـ140 جنيه، والعجمية بـ160 جنيه، وبعين الجمل والمكسرات بـ195 جنيه، والفستق والفياجرا بـ245 جنيه، وسعر كيلو الغريبة السادة 165 جنيه، واللوز بـ215 جنيه، والفستق بـ245 جنيه، وسعر كيلو البسكويت 155 جنيه، والبيتي فور العادي 185 جنيه.

وتقدروا تشتروا كل منتجاتهم دليفري بالاتصال على رقم 16264، أو زوروا صفحتهم على الفيسبوك من هنا.

Pistachio

إحنا بنرشحهم بقوة، ضمن اختياراتنا لمحلات بيع منتجات العيد، وعندهم كيلو الكحك سادة أو ملبن أو عجوة بـ120 جنيه، وكيلو كحك بالعجمية بـ130 جنيه، وكحك عين الجمل بـ180 جنيه، وكحك الفستق بـ200 جنيه، وكمان عندهم علب بسكويت نشادر وشيكولاتة وبرتقال سعرها 120 جنيه، وعلب بيتي فور مكسرات ولوكس بـ150 جنيه.

وكمان عندهم علبة مشكل تبدأ من 270 جنيه واسمها الأميرة، وفيها بيتي فور وبسكويت وغريبة أو كحك، وكمان علبة مشكل العروسة سعرها 370 جنيه، فيها بسكويت وبيتي فور و3 أنواع كحك، وعلبة مشكل فاخر سعرها 590 جنيه، وفيها بيتي فور وبسكويت وغريبة وكل أنواع الكحك.

تقدروا تطلبوا منتجاتهم من رقم 01224488388، أو من خلال صفحتهم على فيسبوك من هنا.

Diet House

عندهم منتجات العيد مختلفة وصحية، وبيعملوها من سكر فاكهة ولبن خالي من الدسم ودقيق بني وزيت أرز، وسعر كيلو الكحك 160 جنيه، وعندهم البسكويت “سادة – شيكولاتة – برتقال” سعر العلبة 750 جرام 62 جنيه، وسعر العلبة 1 كيلو مكس 140 جنيه، أما علبة المنين اللي وزنها 750 جرام فسعرها 62 جنيه، بس خلوا بالكم أن الأسعار دي غير شاملة الضريبة على حسب إعلانهم.

تقدروا تطلبوا منتجاتهم بالاتصال على رقم 16513، أو واتس آب رقم 01030006800، أو زوروا صفحتهم على الفيسبوك من هنا.

إيتوال

عندهم كحك العيد سادة وملبن وعجوة سعر الكيلو بـ110 جنيه، وكحك بالعجمية بـ115 جنيه، وكحك بعين الجمل الكيلو بـ150 جنيه، وكحك رش مكسرات بـ160 جنيه، وكمان عندهم البسكويت نشادر بـ96 جنيه للكيلو، وبسكويت برتقال أو جوز هند أو شيكولاتة سعره 100 جنيه للكيلو، وبسكويت أجلاسيه سعر الكيلو 116 جنيه.

أما كيلو البيتي فور المشكل فسعره 124 جنيه، والغريبة سادة بـ120 جنيه، وكيلو الغريبة مكسرات 140 جنيه، والمنين السادة سعر الكيلو 85 جنيه، وعندهم علب مكس الكيلو منها 150 جنيه، والـ1.5 كيلو سعرها 170 جنيه، والـ2 كيلو بـ230 جنيه، والـ3 كيلو بـ370 جنيه، وعلبة إيتوال 4 كيلو بـ490 جنيه.

تقدروا تطلبوا كل اللي محتاجينه منهم بالاتصال على رقم 16312 أو زوروا صفحتهم على الفيسبوك من هنا.

مقترح