The Definitive Guide to Living in the Capital , Cairo , Egypt

شهر رمضان على الأبواب، وكعادة الشعب المصري مع قدوم شهر الخير، بيهتم بشراء الياميش والمكسرات، وإحنا في كايرو 360 بننصحكم تفضلوا في البيت، وتطلبوا منتجاتكم دليفري، لأن الزحمة في الأسواق خطر عليكم وهتساعد في انتشار فيروس “كورونا” المستجد، وعلشان كده في السطور الجاية هنقولكم على أسعار الياميش ومكسرات رمضان وطرق طلبها دليفري.

الأسعار السنة دي معقولة مقارنة بالسنين اللي فاتت، وهنقول لكم في بداية أسعار كل صنف، واللي بالتأكيد ممكن تزيد مع اختلاف النوع وجودة الخامة.

مثلًا هتلاقوا كيلو القراصيا بيبدأ من 60 جنيه، وكيلو المشمشية بيبدأ من 70 جنيه، وكيلو الزبيب الإيراني بيبدأ من 75 جنيه، وكيلو البندق بالقشر بيبدأ من 100 جنيه، أما كيلو جوز الهند الفاخر فبيبدأ سعره من 60 جنيه.

أما  كيلو البلح الجاف فسعره بيبدأ من 10 جنيه، وكيلو التمر الهندي بيبدأ سعره من 21 جنيه، وعبوة قمر الدين السوري 400 جرام سعرها 22 جنيه، والمصري 19 جنيه، وكيلو عين الجمل بالقشر 100 جنيه، وكيلو الزبيب المصري 50 جنيه، وكيلو التين المجفف بـ 27 جنيه، وكيلو اللوز بسعر 100 جنيه.

كمان جوز الهند الخشن بيبدأ سعره من 45 جنيه، وعين الجمل الكيلو بـ300 جنيه، واللوز بـ190 جنيه، وكيلو الفستق بـ220 جنيه، والكاجو بيبدأ سعره من 220 جنيه للكيلو.

أما عن أماكن البيع اللي تقدروا تشتروا منها وتوصلكم المنتجات دليفري فهي كتير، وهنقول لكم على أفضلها في القاهرة، وتقدروا تتصلوا بيهم وتطلبوا أي كميات من عندهم وهتوصلكم لحد باب البيت.

كارفور 16061

أولاد رجب 19225

لولو هايبر ماركت 0225983555

بنده 16642

أسواق العثيم 19279

سبينس 16005

خير زمان 16007

الراية ماركت 16508

كازيون 19609

أبو عوف 19969

وماتنسوش أنكم تقدروا تطلبوا كل احتياجاتكم الخاصة بشهر رمضان أونلاين سواء عن طريق موقع جوميا من هنا، أو سوق دوت كوم من هنا.