The Definitive Guide to Living in the Capital , Cairo , Egypt

المصغراتية.. عالم مُصغر من تراثنا المصري والعربي
بواسطة
Mohamed Talaat

فاكر البيت اللي اتربيت فيه؟ أول قهوة قعدت عليها وأنت مراهق؟ مبنى مدرستك؟ أول عجلة ركبتها في حياتك وأنت طفل؟ باب بيتك؟ وابور الجاز اللي كان في بيت جدتك؟ راديو زمان؟ التفاصيل اللي فاتت دي جزء من ذكرياتنا، ولما بنشوفها في الصور بنحس بسعادة كبيرة. تخيل لو لقيت مجموعة من الفنانين قادرين يصنعوا لك نموذج مصغر من حاجة مهمة في حياتك، أكيد دي حاجة مبهجة! وده اللي بتعمله الفنانة المصرية عبير سعد الدين من خلال مشروع فني اسمه المصغراتية، واللي فكرته باختصار هي صنع نماذج فنية مصغرة من التراث المصري والعربي، والنماذج دي تقدر تهديها لحبايبك، أو تحتفظ بيها لو كنت من عشاق التراث. تعالوا نتعرف أكتر على مشروع المصغراتية الفني.

مشروع المصغراتية بيوفر لكم نماذج مصغرة تنفع هدايا بطعم ذكريات زمان، وده من خلال أنكم تتواصلوا معاهم وتشرحوا لهم إيه هو النموذج اللي نفسكم يتصنع علشانكم، وبعدها بيصمموا الشكل وبعدها بيحولوه لنموذج مصغر. يعني لو نفسكم في نموذج مصغر من حاجة معينة بتحبوها هتقدروا تعملوا ده عن طريق المصغراتية.

وخرج من مشروع المصغراتية نماذج كتير من تراثنا زي كراسي القهوة والبيوت وأبواب زمان وحتى وابور الجاز والبيانو ونماذج من مجلات زمان وغيرها من النماذج المميزة والأفكار اللي كلها جاية من زمان.

وكل النماذج اللي بيصنعوها ممكن تكون في النهاية جزء من نوت بوك أو عليقة مفاتيح أو ميدالية أو حتى ماكيت. مهما كانت فكرتكم هما هيعملوها هاند ميد علشان تكون صنعت خصيصًا لأجل من نحب.

تقدروا تتواصلوا مع المصغراتية من خلال واتساب رقم 01092114588.

أو من خلال صفحة الفيسبوك من هنا.

مقترح