The Definitive Guide to Living in the Capital , Cairo , Egypt

كثير مننا بيعمل خير لكن مع قدوم شهر رمضان المبارك الخير بيزيد تلقائي وبيكون كتير بين المصريين، وخاصة في فترة دخول الشهر الكريم واللي بيتم فيها توزيع منتجات غذائية وبيتنافس المصريين بكل فئاتهم مع بعض للمشاركة في الخير ده. وفيه متاجر كبرى في القاهرة بتوفر كراتين الخير بأسعار مناسبة، وفي رمضان 2024 أعلنت المتاجر عن توفير كراتين رمضان، هنتعرف على 5 منهم خلال السطور الجاية.

كارفور

دايمًا كارفور بيوفر كراتين بأسعار معقولة، وفي رمضان 2024 تقدروا تشتروا من عندهم كرتونة بسعر 175 جنيه وفيها “مكرونة – أرز – سمنة – سكر – ملح – زيت”، وبحد أقصى 10 كراتين في كل مرة.

 

لولو ماركت

بسعر 145 جنيه بيوفر لولو هايبر ماركت كرتونة رمضان واللي بيكون فيها “زيت – أرز – ملح فول – صلصة – شاي”، وتقدروا تطلبوا لحد 100 كرتونة في المرة الواحدة.

 

سبينيس

بمكونات أساسية “مكرونة – سمنة  – زيت – أرز – صلصة – ملح – تمر”، وبسعر 200 جنيه تقدروا تشتروا كرتونة رمضان 2024 من سبينيس بدون حد أقصى لعدد الكراتين.

مترو

داخل مترو ماركت بيتم بيع كرتونة رمضان بسعر 275 جنيه وبتحتوى على “شاي – ملح – صلصة – أرز – مكرونة – زيت – سمن – سكر”، وتقدروا تشتروا الكمية المطلوبة بدون حد أقصى.

 

محمود الفار

مكونات كرتونة رمضان عندهم فيها “سكر – شاي – زيت – مكرونة – أرز – صلصة”، ولكن بأحجام وأسعار مختلفة، والكرتونة الصغير بسعر 165 جنيه، والوسط بـ200 جنيه، أما الكبيرة فبتكون بسعر 280 جنيه، وأقصى حد للطلب 20 كرتونة، وكمان بيوفروا كروت مشتريات بأسعار تبدأ من 50 جنيه حتى 1000 جنيه.