The Definitive Guide to Living in the Capital , Cairo , Egypt

الصورة الرئيسية: Євгенія Височина

 

تهادوا تحابوا، ومش شرط تهادوا الناس ممكن تهادوا نفسكم وتكونوا متصالحين معاها، وده شيء جميل لأنكم أكثر حد يعرف إمتى هو محتاج الهدية! ومع قرب دخول شهر رمضان المبارك 2024 وبما أنه شهر الخير تقدروا تشتروا هدايا هاند ميد مصنوعة بحب علشان تكون حاجة مميزة تعبر عن الحب والفرحة بقدوم شهر الخير والمحبة، وإحنا بنرشحلكم 3 أماكن هتلاقوا عندهم هدايا لرمضان بجودة عالية وسعر مناسب.

 

Sara Art

سارة رغم صغر سنها إلا أنها بتعمل شغل مكرمية مميز وبتعمل فوانيس وهلال وميداليات رمضان باحترافية عالية وعندها منتجات جاهزة للاستلام الفوري وكمان عندها طلبات خاصة بتنفذها في وقت سريع، وسعرها على قد الإيد والأسعار بتبدأ عندها من 50 جنيه للميدالية و250 للفوانيس و150 جنيه للهلال وغيرهم.

تقدروا تعرفوا أكتر عن سارة وشغلها من خلال صفحة فيسبوك من هنا.

 

عطايا القلب

المشروع ده من أقرب المشاريع لقلبنا، ودائمًا بنحب نشتري منه، لأن هو مش معمول بغرض الربح ولكنهم بيعملوا ده علشان أيادي عاملة عفيفة بتشتغل علشان تكسب حاجة بسيطة في الحياة، وكمان عندهم حاجات كتير من صنع السيدات محاربات السرطان، وحاليًا هما عندهم فوانيس شيك مضيئة وبتغني بحجم 20 و40 سم، والأسعار مناسبة جدًا بحد أقصى 200 جنيه، وخلال الأيام الجاية هيكون فيه عندهم منتجات كثيرة بيبيعوها بنفس الفكرة.

تقدروا تعرفوا أكتر عن عطايا القلب وتشاركوا في الخير من خلال جروب فيسبوك من هنا.

Zahra Hand made

فاطمة الزهراء خريجة تربية فنية وكمان شاطرة لأنها نجحت بامتياز مع مرتبة الشرف، وقررت تأسس مشروعها باسم “زهرة”، وتعمل شغل مميز في الجلود، ولكن مع دخول شهر رمضان بتعمل شغل ريزين وكونكريت، عندها مباخر مبهجة ومميزة من الكونكريت، والميداليات والفوانيس وفواصل المصاحف من الريزين، وأسعارها تبدأ من 70 جنيه وحتى 300 جنيه.

تقدروا تعرفوا أكثر عن فاطمة وشغلها من خلال صفحة الفيسبوك من هنا.