The Definitive Guide to Living in the Capital , Cairo , Egypt

دايمًا اختيار الهدية المناسبة بيكون تحدي مش بسيط، خصوصًا لما بنفكر في شخص غالي علينا. بنبقى عاوزين نختار حاجة تعبر عن مشاعرنا، وتكون في نفس الوقت مفيدة، ومليانة حب. واللي بيفرق فعلًا هو التفاصيل.. الهدية اللي وراها وقت وتفكير وشغف.

ومن هنا، بنرشحلكم بكل حب مشروع مصري اسمه “جناح فراشة”. مش مجرد صفحة على فيسبوك بتبيع مجات هاند ميد، لكن حكاية بدأت من حلم بسيط وسط ظروف صعبة، وتحولت مع الوقت لعلامة مميزة في عالم الهدايا الفنية.

ولاء، مؤسسة “جناح فراشة”، بدأت فكرتها في فترة جائحة كورونا، لما قررت تدي وقتها لفن بتحبه، وتستخدم الصلصال الحراري علشان تعمل مجات بأشكال مبتكرة. تجرب، تغلط، تطور، وتعيد من الأول، لحد ما كل الناس اللي اتعاملوا معاها أطلقوا عليها لقب “صانعة السعادة”.

رغم إن مجات الصلصال كانت منتشرة، إلا إن اللي قدمته ولاء كان مختلف.. أشكال فريدة وتفاصيل دقيقة، بس طموحها ما وقفش هنا. مع الوقت بدأت تشتغل على خامات جديدة زي الفخار والبورسلين، وتطور قطع فنية بتجمع بين الجمال والجودة، وبروح مصرية خالصة.

“جناح فراشة” بقى مشروع بيقدم مجات فنية متفردة، يتكتب عليها جمل تحفيزية، تتلوّن بألوانك المفضلة، وتتشكّل على ذوقك. كل قطعة بتتحضر مخصوص ليك.. وبتتحول من مجرد مج، لهدية بتكمل يومك وتحكي حكايتك.

الأسعار بتبدأ من 350 جنيه حسب التصميم، والخامة، والتفاصيل، بس القيمة اللي ورا الهدية دي مفيش تمن يساويها.

لو بتدوّر على هدية تنفع ذكرى تعيش سنين، أو حتى تدلع بيها نفسك.. جرب “جناح فراشة”.

تقدروا تعرفوا أكثر عنهم من خلال جروب الفيسبوك من هنا.