The Definitive Guide to Living in the Capital , Cairo , Egypt

رنا شرف

كلنا كبنات بنحب الموضة والشياكة، دي طبيعة فينا، والشنطة جزء مهم من شخصية كل بنت، علشان كده هنعرفكم على أفضل 5 محلات بيبيعوا شنط بناتي في القاهرة، علشان تقدري أناقتك وشياكتك تكمل.

 

ديجافو

من المحلات المشهورة جدًا بين المصريين، وله جمهور كبير. المحل عنده كل أنواع الشنط، سواء الكلاسيك أو الرياضية، وشنط السهرات، كمان أسعاره متنوعة. 

ديجافو له فروع كتير من أشهرها فرع سيتي ستارز، الدور التالت.

دارك ستورز

المحل بيقدم تشكيلة كبيرة من الشنط، والأسعار في المكان معقولة جدًا، بتبدأ من 20 جنيه وممكن توصل لحد 250 جنيه، والحقيقة بيتميز بتشكيلة بتناسب كل بنت ومناسبة.

المحل له فروع كتير، اختارنا منهم فرع المعادي، الموجود في شارع 151.

 

مرشدي ستورز

له فروع كتير في القاهرة، وعنده كمية كبيرة من تشكيلات الشنط، والأسعار عنده معقولة.

إحنا اختارنا فرع روكسي، لإننا حسينا إن التشكيلات اللي فيه كتنوعة بدرجة كبيرة.

العنوان: 57 شارع الخليفة المأمون، بجوار معمل المختبر.

 

شو روم

من المحلات المعروفة في القاهرة، وبيعمل دايمًا عروض كويسة، وأسعاره معقولة، وعنده تنوع كبير في أشكال وأحجام الشنط.

إحنا جربنا فرعهم اللي في 38 شارع سوريا، المهندسين.

 

زلط

محل موجود في وسط البلد، وهو محل قديم وله جمهور كبير. عندهم أشكال مختلفة من الشنط، وأسعاره معقولة جدًا، وتقدروا تشتروا من هناك شنط بأشكال مختلفة هتناسب كل المناسبات.

زلط موجود في 21 شارع طلعت حرب، وسط البلد.