حتى لو عامل دايت.. 5 أماكن تشتري منهم كعك صحي للعيد
أسعار الكحك أماكن شراء كعك صحي في القاهرة كحك العيد من غير سكر كحك صحي كحك عيد الفطر مخبوزات بدون جيلاتين
Mohamed Talaat
في رمضان الإنسان بيحس إن وزنه زاد من كتر الأكل، وده بسبب العزومات والخروجات بشكل أساسي، وكمان علشان رمضان شهر كريم وخير فالأكل بيكون فيه بزيادة، وبنكمل على نفسنا بأننا بندخل في العيد ومنتجات العيد زي الكحك والبسكويت والبيتفور، واللي بيزودوا الوزن أكتر! وعلشان صحتنا مهمة قررنا ندور إزاي نستمتع بكحك العيد وفي نفس الوقت نحافظ على صحتنا.
خلال السطور الجاية هنقول لكم على 5 أماكن تقدروا تشتروا منها منتجات صحية للعيد.
DIET HOUSE
منتجاتهم مصنعة من الدقيق البني ومادة دهنية نباتية وخميرة وسمسم محمص وسكر فركتوز ونشادر وبيض ومياه وزبدة لايت، وهما بيعملوا بيتي فور ربع كيلو بـ70 جنيه، كوكيز ربع كيلو 70 جنيه، منين سعر الربع كيلو 65 جنيه، بسكويت بـ65 جنيه للربع كيلو، أما الكحك فسعر الربع كيلو 70 جنيه.
تقدروا تعرفوا أكتر عنهم من خلال صفحة الفيسبوك من هنا.
KGT 2
بيعملوا المنتجات بتاعتهم لمتبعي حمية “الكيتو” وبيعملوها من دقيق اللوز والاستيفيا والزبدة الحيواني، وسعر الربع كيلو من أي منتج عندهم يبدأ من 125 جنيه، وهما بيعملوا “كحك – بيتي فور – بسكويت – غريبة – برازق”.
تقدروا تعرفوا أكتر عنهم من خلال صفحة الفيسبوك من هنا.
كيتو روكيتس
منتجات العيد عندهم بالقطعة مش بالوزن، وهما بيعلموها مخصوص والأوردر بيوصل تاني يوم من الطلب على الأقل، وكل المنتجات منخفضة الكالوري والكارب، وبدقيق خالي من الجلاتين وبزيت نخالة الأرز، وسعر الـ5 قطع كحك 135 جنيه، و12 قطعة بسكويت بسعر 95 جنيه، و9 قطع بيتي فور 75 جنيه.
تقدروا تعرفوا أكتر عنهم من خلال صفحة الفيسبوك من هنا.
مع سارة Eat Healthy
سارة بتاخد يومين علشان تعملكم المنتج بتاعكم وهي بتعمله بدقيق الشوفان كبديل صحي للدقيق الأبيض، والعبوة 500 جرام، بسعر 120 جنيه للكحك، والبيتفور بـ150 جنيه، الكوكيز بـ175 جنيه، بسكويت دايجستف 100 جنيه، وكمان عندهم منتجات كتير تاني مميزة.
تقدروا تعرفوا أكتر عنهم من خلال صفحة الفيسبوك من هنا.
Healthy & Tasty
من الأماكن المشهورة اللي بتقدم أكل صحي بكل أنواعه، وهما عندهم كمان منتجات العيد بأنواع كتير زي كحك فلوريل اللي سعره 175 جنيه للعبوة، وعلبة بيتي فور دقيق اللوز وجوز الهند 9 قطع بسعر 95 جنيه، وبسكويت كيتو روكيتس 12 قطعة وسعرها 95 جنيه، وبسكويت قمح كامل فلوريل الكيلو 247 جنيه.
تقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
