حرب الجيلاتي.. جربنا 3 أنواع آيس كريم من السوبر ماركت
آيس كريم دولسي آيس كريم فرايدي آيس كريم وندر فيل أسعار الآيس كريم في القاهرة
Cairo 360
رنا شرف
الصيف يعني حر، والحر يعني أكلات تهون علينا درجة الحرارة العالية زي البطيخ والمانجو والعصائر المثلجة، وطبعًا الآيس كريم اللذيذ اللي ينفع تاكله حتى وإحنا في ديسمبر!
السوق المصري مليان بمنتجات آيس كريم مختلفة، وبتتميز بالسعر المناسب مقارنة بالمستورد. مؤخرًا نزلنا السوبر ماركت نجرب الآيس كريم المصري، وبالفعل اشترينا أكتر من نوع.. وبدأنا التذوق! اتفضلوا معانا!
فرايدي.. جودة معقولة وسعر رخيص
فرايدي هو منتج آيس كريم جديد نسبيًا، ظهر في السنوات الأخيرة وأصبح منافس قوي لمنتجات قديمة في السوق زي دولسي، ونقدر نقول إنه أثبت نفسه. هو يعتبر شعبي لأن سعره مش غالي، بالعكس مناسب لأغلب المستويات. السعر بيبدأ من 5 جنيه، وفيه منتج كوباية سعره 8 جنيه، ومنه أنواع باللوتس وبالفراولة والأريو.. وأكثر.
هو من حيث الطعم جيد بالنسبة للسعر، والتغليف كمان حلو، بس نتمنى يكون أحلي الفترة الجاية. فرايدي ممكن نقول عليه إنه آيس كريم كل الناس، منتج مصري بجودة عالية وسعر حلو.
اعرفوا عنهم أكتر من هنا.
وندر فيل.. نكهات مفتكسة!
وندرفيل هو منتج مصري أثبت نفسه في السوق، سعره بيبدأ من 12 جنيه، بيتميز بالنكهات المفتكسة، زي اللبان وغزل البنات. جودته جيدة، والتغليف ممتاز وشكله مفتكس برضه ويشدك تشتريه، كمان سعره إلى حد ما معقول.
اعرفوا عنهم أكتر من هنا.
دولسي.. القديم يحلى
اشترينا كمان دولسي، المنتج المصري اللي كلنا عارفينه، وله ذكريات جميلة معانا خصوصًا من أيام الطفولة، منتجات دولسي جودتها عالية، وطول الوقت بيطوروا نفسهم وبيقدموا حاجات مفتكسة، زي الآيس كريم بطعم الكوكيز اللي عجبنا جدًا، طعمه فعلًا حلو ويستاهل التجربة، وكمان حبينا النكهات الكلاسيكية زي الفانيليا والشيكولاتة، التغليف جميل ومبهج والسعر مناسب جدًا لكل المستويات.
اعرفوا عنهم أكتر من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
