The Definitive Guide to Living in the Capital , Cairo , Egypt

اتعودنا إن الهدايا في المولد النبوي الشريف مابتخلاش من العروسة والحصان، وطبعًا ده بخلاف علبة الحلاوة اللي لازم تكون موجودة في كل بيت، وعلشان المناسبة مميزة المرة دي هنعرفكم على مكان بيعمل هدايا مميزة، وبنتكلم عن مشروع “فبريكا” الفني، المتخصص في هدايا الهاند ميد، واللي بيقدم مؤخرًا شكل جديد لهدايا المولد النبوي، من خلال منتجات كتير ومميزة وأهم ما يميزها أنها مصنوعة من الخشب و”هاند ميد”.

هنقول لكم في السطور الجاية كل اللي محتاجين تعرفوه عن هدايا المولد النبوي الهاند ميد اللي بيقدمها مشروع “فبريكا”.

فبريكا هو مشروع فني بدأ بصفحة على فيسبوك ونجحوا في أنهم يكونوا اسم معروف في صناعة هدايا الهاند ميد، وبيقدموا في 2023 مجموعة مختلفة من هدايا المولد النبوي، ومنها عروسة المولد واللي سعرها 380 جنيه، وبيتكتب عليها الإسم وجملة من اختياراكم، وحجمها 24 سم ومتوفرة بـ4 ألوان مختلفة، وكمان عندهم الحصان الخشبي اللي سعره 380 جنيه وبيتكتب عليه جملة من اختياركم وحجمه 21 سم وبيكون معاه ميدالية هدية.

كمان بيعملوا فريم خشب بصور شخصية بصورة واسم وجملة بسعر 650 جنيه، ومقاسه 24 سم، ومسرح أراجوز بتفاصيل حلوة بسعر 650 جنيه وكمان معاهم ميداليتين هدية، ده غير مسرح عروسة المولد اللي متوفر بـ4 ألوان وسعره 550 جنيه وحجمه 24 سم، أما ساقية المولد فسعرها 380 جنيه، والحصان الهزاز بيكون سعره 480 جنيه، مع اضافة الاسم وجملة لأي قطعة.

وكارت الميداليات الـ20 سم بيكون سعره 120 جنيه، ومسرح اليونيكورن الـ24 سم بسعر 550 جنيه، والأحصنة الدوارة سعرها 380 جنيه، والمرجيحة اللي شهيرة في المولد النبوي سعرها 180 جنيه، ده غير بقى أن عندهم ميداليات كتير أشكال وألوان مختلفة بتتعمل بالإسم والجملة اللي تختاروهم وسعر الواحدة 50 جنيه.

وماتنسوش أن عندهم بوكس حلويات المولد وسعره 700 جنيه، وعندهم بوكسات هدايا بمنتجات مختلفة وأشكال مميزة بأسعار تبدأ من 1050 جنيه.

وتقدروا تعرفوا أكتر عن فابريكا ومنتجاتهم بزيارة صفحة الفيسبوك من هنا.

ولو حبيتوا تشتروا من عندهم زوروا موقعهم الالكتروني من هنا.