The Definitive Guide to Living in the Capital , Cairo , Egypt

عارفين أن ملح واحة سيوة بيساعد على تنقية الطاقة في حياتنا، وبيطرد الجزء السلبي منها وبيزود الإيجابي؟ طيب تعرفوا أن بلح ونعناع وكركديه سيوة من أفضل الأنواع الموجودة في مصر؟ حتى زيت الزيتون ودبس البلح والمربى، لهم طعم وجودة مختلفة لما يكونوا جايين من واحة سيوة، وعلشان كده خلال السطور الجاية هنعرفكم على محل اسمه “حياة سيوة”، وده هتقدروا تشتروا منه كل منتجات واحة سيوة الشهيرة وأنتم في البيت من غير ما تخرجوا وتعرضوا نفسكم لخطر احتمالية الإصابة بفيروس “كورونا” المستجد.

“حياة سيوة”، هو محل صغير في منطقة السيدة زينب بالقاهرة، وبالتحديد في منطقة زينهم، خلف المحكمة، ورغم صغر حجمه هتلاقوا فيه منتجات كتير جدًا.

المحل بيوفر لكم منتجات كتير، منها زيتون مخلل سعر البرطمان يبدأ من 15 جنيه، وصابون زيتون طبيعي 100% سعره 25 جنيه، والنعناع عندهم سعر الكيس 5 جنيه، والملوخية الناشفة سعرها 20 جنيه، وكمان حشيشة الليمون سعر الكيس 10 جنيه، ده غير العرقسوس السيوي اللي سعر الكيس منه 10 جنيه.

وأجمل ما عندهم في محل “حياة سيوة” أباجورة الملح اللي يبدأ سعرها من 120 جنيه، وشمعدان الملح بـ55 جنيه، اللي بيخرجوا الطاقة السلبية، وكمان عندهم الكركديه السيوي سعر الكيس بـ30 جنيه، وكيلو البلح السيوي الناشف يبدأ من 25 جنيه، والطري 30 جنيه، وشنطة التمر المحشي تبدأ من 30 جنيه، وبتوصل لـ65 جنيه حسب الحجم ونوع الحشو.

أما مربى الكركديه فسعرها 35 جنيه، ودبس البلح بـ35 جنيه، وكمان عندهم شاي أحمر ليبي سعره 45 جنيه، وعسل البلح سعره 30 جنيه، ومربى الزيتون بـ35 جنيه، ده غير شغل الهاند ميد بتاع سيوة واللي بيبدأ من 10 جنيه، وزينة ومفارش ومخدات رمضان اللي هتفرحكم.

تقدروا تعرفوا أكتر عن محل واحة سيوة ومنتجاتهم من خلال صفحتهم على الفيسبوك من هنا.

وكمان تطلبوا كل طلباتكم دليفري من خلال الاتصال برقم 01005777660.