خدمة “CAFU” .. أول دليفري للبنزين في القاهرة بنفس سعر المحطة
CAFU CAFU مصر بنزين دليفري خدمة طلب البنزين
Mohamed Talaat
كتير بنعطل بالعربية في أماكن بعيدة عن محطات البنزين، وبتكون المشكلة إن العربية الخاصة بينا شطبت بنزين! ووقتها بس بنفتكر الحكمة الخالدة اللي بتقول إن “بنزين في التنك أحسن من مليون جنيه في البنك”، لكن المشكلة دي خلاص في طريقها للحل نهائي، وده بسبب الإعلان عن قرب انطلاق أول خدمة دليفري للبنزين في مصر، واللي هتوصل البنزين لحد عربيتك في أي مكان في القاهرة.. تعالوا نعرف التفاصيل مع بعض.
بتستعد شركة “CAFU” الإماراتية لتوصيل المنتجات البترولية “البنزين” لدخول السوق المصري، وده بموجب مذكرة تفاهم مع الهيئة المصرية العامة للبترول، ودي هتكون أول شركة بتقدم خدمة دليفري للبنزين في مصر.
وبتشتغل الشركة دي في خدمات توصيل الوقود، وهي أول شركة بتقوم بالمهمة دي في المنطقة العربية، وبدأت الشركة في الإمارات سنة 2018، وهتدخل مصر كأول دولة أفريقية السنة دي، يعني في 2020.
ومن خلال الاتفاقية بين الشركة و”الهيئة العامة للبترول” هتقدر الشركة تقوم بخدمات دليفري للبنزين في مصر بما يتماشى مع اللوائح ومعايير السلامة، وهتتم العملية عبر تطبيق إليكترونى خاص بتقديم الخدمة دي.
وكل اللي هيحتاجه العملاء هو إدخل موقع سيارتهم ونوع الوقود والكمية المطلوبة واختيار وقت التسليم من خلال التطبيق الإلكترونى “CAFU”.
تابعوا موقع كايرو 360 علشان تعرفوا كل حاجة عن الخدمة دي، واللي هتنطلق قريب جدًا في القاهرة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
