The Definitive Guide to Living in the Capital , Cairo , Egypt

العيد فرحة، والفرحة بتحب الكحك، والكحك علامة مميزة من علامات الفرحة في أيام العيد، لكن فيه ناس كتير بتخاف تاكل الكحك بسبب زيادة الوزن، خاصة وأننا خارجين من شهر رمضان اللي بناكل فيه أكل كتير أصلًا، لكن في السطور الجاية هنقول لكم على 11 مكان لمحبي كحك العيد بسعرات قليلة علشان لو عاملين دايت أو خايفين من زيادة الوزن.

KGT 2

تقدروا تطلبوا من عندهم من أول وزن 250 جرام بأسعار تبدأ من 140 جنيه وحتى 180 جنيه، والعلب المشكل بتكون 1 كيلو بداية من 550 جنيه، والمنتجات بتاعتهم مناسبة للدايت بسعرات حرارية قليلة وكمان مناسبة للناس اللي بتتبع حمية “الكيتو”، هتلقوا عندهم كحك وبسكويت وكوكيز وغريبة وبيتي فور وبرازق وسابليه.

تقدروا تعرفوا أكتر عنهم من خلال صفحة الفيسبوك من هنا.

 

مع سارة Eat Healthy

بدقيق الشوفان والسمن البلدي سارة بتاخد يومين علشان تعملكم المنتج بتاعكم من منتجات العيد والعبوات عندهم تبدأ من 1/2 كيلو، وسعر الكحك 200 جنيه، والبيتي فور 245 جنيه، والكوكيز 245 جنيه، والقراقيش 180 جنيه،وكيلو المشكل يبدأ من 340 جنيه، ده غير منتجات تانية كتير.

تقدروا تعرفوا أكتر عنهم من خلال صفحة الفيسبوك من هنا.

DIET HOUSE

من أهم الأماكن اللي بتقدم منتجات صحية وسعراتها الحرارية قليلة، وبيكتبوا على كل منتج السعرات بتاعته، وبتتصنع من الدقيق البني ومادة دهنية نباتية وخميرة وسمسم محمص وسكر فركتوز ونشادر وبيض ومياه وزبدة لايت، وهما بيعملوا منتجاتعهم في عبوات 750 جرام وسعر البسكويت والمنين  210 جنيه، والكحك 240 جنيه، والبيتي فور 240 جنيه، والكوكيز بـ230 جنيه، وكمان عندهم علب بوزن 250 جرام تبدأ من 75 جنيه.

تقدروا تعرفوا أكتر عنهم من خلال صفحة الفيسبوك من هنا.

 

Healthy & Tasty

أول متجر صحي في مصر، بيقدموا أكل صحي بكل أنواعه، ومنتجات العيد عندهم مختلفة وعلبة الكحك أو البيتي فور تبدأ من وزن 125 جرام وسعر 139 جنيه، والبسكويت 9 قطع يبدأ من 125 جنيه، وعندهم منتجات كتير مختلفة تقدروا تشتروها من عندهم للدايت أو للسعرات الحرارية القليلة ولحمية “الكيتو”.

تقدروا تعرفوا أكتر عنهم من خلال صفحة الفيسبوك من هنا.

 

Diet X Diet

عندهم نوعين من منتجات العيد الصحية لمتبعي الكيتو والنوع التاني بالشوفان وخالي من الجلوتين والأوزان عندهم تبدأ من الربع كيلو، وسعر الكحك يبدأ من 250 جنيه، والبسكويت 250 جنيه، والسابليه والبيتي فور والغريبة بـ300 جنيه، وعلب المشكل الربع كيلو بسعر 300 جنيه والكيلو للشوفان الخالي من الجلوتين بـ570 جنيه، والكيلو لمتبعي الكيتو 1100 جنيه.

تقدروا تعرفوا أكتر عنهم من خلال صفحة الفيسبوك من هنا.

Freshly Fit

كحك العيد عندهم حسب الوصف صحي 100%، ومعمول بدقيق الشوفان والسمن البلدي للكحك وباقي المنتجات بزبدة طبيعي وبيستخدموا سكر ستيفيا، وأسعار الكحك والبسكويت والكوكيز والسابليه والبيتي فور والغريبة عندهم تبدأ من 230 جنيه للنصف كيلو، وعندهم كمان عبوات كيلو و2 كيلو.

تقدروا تعرفوا أكتر عنهم من خلال صفحة الفيسبوك من هنا.

 

Keto Eato

منتجاتهم محسوب فيها كل السعرات والماكروز وأسعارهم للبسكويت تبدأ من 515 جنيه لحجم 400 جرام، والكحك بالعجمية 1/2 كيلو بـ565 جنيه، وبيتي فور بزبدة البندق 1/2 كيلو بـ665 جنيه، وعلب المشكل للبسكويت تبدأ من 265 جنيه وزن 200 جرام، والميكسات من 305 جنيه لوزن 225 جرام.

تقدروا تعرفوا أكتر عنهم من خلال صفحة الفيسبوك من هنا.

 

Raviola

بيعملوا منتجات عيد الفطر 2024 بنوعين، الأول بدقيق الحبة الكاملة، وسعر عبوة الكحك أو البسكويت أو المعمول أو الكوكيز 250 جرام 63 جنيه، والثاني بدقيق الشعير وبيكون سعر الـ250 جرام 65 جنيه لمنتجات الكحك والمعمول والبسكويت والكوكيز.

تقدروا تعرفوا أكتر عنهم من خلال صفحة الفيسبوك من هنا.

Sweet & Diet

بيعملوا منتجاتهم كلها بدقيق اللوز، زيرو سكر، وسعر ربع كيلو البسكويت أو البيتي فور يبدأ من 260 جنيه، والكحك يبدأ من 270 جنيه، والغريبة بـ280 جنيه.

تقدروا تعرفوا أكتر عنهم من خلال صفحة الفيسبوك من هنا.

 

Nona Healthy Bakery

بيحلوا منتجاتهم بالعسل وسكر إستيفيا حسب الطلب وبيستخدموا زبدة جوز الهند وفول سوداني ولبن لوز وجوز هند وزبادي يوناني، والكحك والبسكويت عندهم يبدأ من 150 جنيه لوزن 400 جرام، والبيتي فور والسابليه 400 جرام بسعر 160 جنيه، والمنين يبدأ من 140 جنيه لعلبة 400 جرام.

تقدروا تعرفوا أكتر عنهم من خلال صفحة الفيسبوك من هنا.

 

البستان

شعارهم صحي بطعم ألذ، بيعملوا منتجات منخفضة السعرات، ومنتجات خالية من الجلوتين ولبن وذرة وصويا، ولو كارب، وأسعار البسكويت والكحك تبدأ من 230 جنيه، والوالسابليه والبيتي فور وبميبو يبدأ من 280 جنيه، وبوكس المشكل 1/2 كيلو يبدأ من 280 جنيه.