The Definitive Guide to Living in the Capital , Cairo , Egypt

كل سنة وأنتم طيبين، وبالمولد محتفلين، وطبعًا زي كل سنة المصريين بيشتروا حلاوة المولد من كل مكان، ومافيش بيت في مصر مسلمين أو مسيحيين إلا وبيكون عندهم “حلاوة المولد”، وعلشان كده إحنا في كايرو 360 نزلنا ووفرنا عليكم تعب اللف والدوران، ورصدنا لكم أسعار حلاوة المولد السنة دي 2018 في أحسن الأماكن وأشهرها.

خلينا متفقين في البداية إن كل المنتجات اللي هنعرضها عليكم، هيكون فيها سمسية وحمصية وفولية وملبن سادة وملبن جيلي ونوجا فول ودومية فول وميني مكس وميني حمص ولديدة زبيب وجوز هند وبندق وفسدق وبسيمة ولوز ونوجا وكل علبة بتختلف على حسب عدد الأصناف والوزن، وما ننساش أن السعر عامل كبير في تشكيل العلبة.

إيتوال

عندهم علب مختلفة بأحجام وأصناف كتير، فمثلًا فيه علبة 18 قطعة بسعر 60 جنيه، وعلبة 32 قطعة بـ105 جنيه، و46 قطعة بـ150 جنيه، و64 قطعة بـ205 جنيه، و33 قطعة فاخر بـ155 جنيه، و47 قطعة مشكل فاخر بـ210 جنيه، وصينية العروسة 81 قطعة بـ520 جنيه، وتورتة المولد 40 قطعة بـ480 جنيه، وعلبة كلاسيك 49 قطعة بـ270 جنيه، وعلبة إيتوال الأصلي 65 قطعة بـ390 جنيه، وعلبة إيتوال السوبر 85 قطعة بـ490 جنيه، واسبيشيال إيتوال 65 قطعة بـ450 جنيه، والـ81 قطعة بـ560 جنيه، وإيتوال الهرم الرابع 81 قطعة بـ580 جنيه، وعلبة كنوز إيتوال 40 قطعة بـ175 جنيه، وكنوز 80 قطعة بـ350 جنيه.

العبد

أسعاره السنة دي بتبدأ من 45 جنيه للعلبة اللي فيها 11 قطعة، و16 قطعة مشكل بـ70 جنيه، و19 قطعة بـ105 جنيه، و23 قطعة بـ145 جنيه، و28 قطعة بـ220 جنيه، و35 قطعة بـ310 جنيه، و39 قطعة بـ400 جنيه، و41 قطعة في علبة معدن صغيرة بـ450 جنيه، و23 قطعة في علبة معدن كبيرة عبارة عن أقراص وأطباق حجم كبير بسعر 680 جنيه، وعلبة هدايا أزرق 49 قطعة أقراص بسعر 510 جنيه، وعلبة هدايا نبيتي 23 طبق بسعر 670 جنيه، وعلبة هدايا خضراء 28 قطعة وقرص فاخر بـ870 جنيه.

تسيباس

علبة 8 أصناف بسعر 40 جنيه، و14 صنف بـ90 جنيه، و19 صنف بـ155 جنيه، وعلبة لوكس صغيرة 20 صنف بـ255 جنيه، والوسط منها 27 صنف بسعر 340 جنيه،، وكمان فيه الكبيرة 29 صنف بـ430 جنيه، والفاخر الصغير 37 صنف بـ585 جنيه، والوسط 36 صنف بـ890 جنيه، والفاخر الكبير 40 صنف بـ1600 جنيه.

قويدر

بتبدأ الأسعار عنده لعلبة 8 أصناف بـ37 جنيه، و12 صنف بـ55 جنيه، و15 صنف بـ80 جنيه، و19 صنف بـ120 جنيه، 24 صنف بـ160، و190، و225، و295، و395، و675 جنيه، وكمان فيه 18 صنف صندوق علاء الدين بـ775 جنيه، و30 صنف صندوق علي بابا يسعر 975 جنيه، وعلبة معدن خان الخليلي بها 24 صنف بسعر 1150 جنيه.

ألفاليرو

سعر العلبة المشكل 12 صنف بـ45 جنيه، و13 صنف بـ80 جنيه، و23 صنف بـ220 جنيه، و22 صنف بـ200 جنيه، و18 صنف بـ115 جنيه، و23 صنف بـ190 جنيه.

مونجيني

شعارهم السنة دي عددها زيادة وأسعارها حلاوة، والعلبة كريستال 58 قطعة بسعر 95 جنيه، والفضي 67 قطعة بسعر 145 جنيه، والذهبي 61 قطعة بسعر 195 جنيه، والماسي 59 قطعة بسعر 300 جنيه.

لابوار

أصغر علبة عندهم 14 قطعة بسعر 200 جنيه، والوسط 28 بسعر 365 جنيه، والكبيرة 48 قطعة بـ475 جنيه، والجامبو 90 قطعة بـ625 جنيه، وكمان عندهم صندوق مجوهرات مليان حلاوة، الصغير منه بـ1350 والكبير بـ1900 جنيه.

بيستاشيو

عندهم علبة 18 قطعة بسعر 180 جنيه، و28 قطعة بـ290 جنيه، و46 قطعة بـ490 جنيه.

أبو عوف

السنة دي عنده 3 علب فقط، 21 قطعة بسعر 150 جنيه، و31 قطعة بسعر 250 جنيه، وأكبر حجم 40 قطعة بـ400 جنيه.

سيموندس

بتبدأ سعر العلبة 10 أصناف بـ150 جنيه، والفاخر منها بـ250 جنيه، والـ17 صنف عادي بسعر 425 جنيه، والفاخر بـ525 جنيه.