دليلك لأشهر أماكن بيع حلاوة المولد 2023
sale sucre Turkish Delight أفضل حلويات المولد الدمياطي العبد المولد النبوي ايتوال حلاوة المولد نشتري منين حلاوة المولد
Mohamed Talaat
من السنة للسنة بنستنى المولد النبوي الشريف علشان الروحانيات اللي بتكون فيه وطقوس المصريين في الاحتفال، وكمان بنجري على حلاوة المولد اللي بنعشقها بكل تفاصيلها، والجميل فيها أن الشعب المصري كله بيختلف على الحتة اللي بيحبها في حلاوة المولد، فممكن تلاقوا اللي بيحب الملبن أو الفولية والسمسمية، وفيه اللي بيحب الحمصية الناشفة اللي ناس تانية بتركنها بالشهور مش عاوزاها، بس هي أذواق وعلشان كده بنقولكم فتح عينك ومش لازم تربطوا نفسكم بالملبن في حلاوة المولد، كلوا اللي تحبوه، وعلشان اللي تحبوه يكون بجودة كويسة بنرشحلكم 5 أماكن مشهورة بتبيع حلاوة المولد النبوي السنة دي وعليكم أنتم تختاروا، ولكن خلينا ننصحكم أنكم تقللوا من الحلويات الكتير وخاصة اللي فيها نسبة سكر عالية.
إيتوال
من الأسماء الكبيرة في عالم الحلويات عمومًا والسنة دي عاملين حلاوة المولد تحت شعار “الحلو في كل مكان”، وبيقدموا الحلاوة بالقطع أو الكيلو، وكمان عندهم علب جاهزة بأوزان وأنواع مختلفة.
تقدروا تعرفوا أكتر عنهم من خلال صفحة الفيسبوك من هنا.
Turkish Delight
مشهور بالحلويات التركي المميزة، والسنة دي بيقدموا حلاوة مولد على الطريقة التركية بشعار “إكسترا حلاوة – إكسترا فرحة”، وبصراحة مش هنقدر نجزم هل الحلاوة على الطريقة التركية هتكون مقبولة زي المصرية ولا لأ، ولكن الأكيد انكم هتلاقوا جودة مميزة، بس لازم تجربوها بنفسكم.
تقدروا تتعرفوا أكتر عنهم من خلال صفحة الفيسبوك من هنا.
العبد
حلاوة الدنيا موجودة في العبد اللي من أشهر وأكبر الأسماء في الحلويات عمومًا وحلاوة المولد خاصة، وكل سنة عندهم افتكاسات وحركات بيعمولها للتطوير والتسويق.
تقدروا تعرفوا أكتر عنهم من خلال صفحة الفيسبوك من هنا.
Salé Sucré
الانبساط شعارهم، وبيقولوا إن حلاوتها في انبساط الكل بيها، وعلشان كده بيقدموا مجموعة من حلويات المولد المميزة في الجودة والطعم كإسم كبير في عالم الحلويات الشرقية والغربية، وهما عندهم 4 أنواع علب مشكل تختاروا منهم زي ما تحبوا.
تقدروا تعرفوا أكتر عنهم من خلال صفحة الفيسبوك من هنا.
الدمياطي
المولد حلاوته حكاية، ده شعار حلواني الدمياطي اللي بيقدم حلاوة المولد السنة دي زي كل سنة بجودة وطعم ميختلفش عليه حد، وكمان عامل قسم مخصص لكلاسكيات حلاوة المولد علشان يرجعنا لأيام زمان.
تقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
