The Definitive Guide to Living in the Capital , Cairo , Egypt

محتار تقضى الويك إند فين فى القاهرة ساعة العصاري؟ القاعدة بـ تقول لك: اطلع على المول. جمع من المتسوقين فى كل ركن من أركان مولات المدينة كلهم أمل يشتروا حاجة مميزة، ومع حرارة شمس الصيف، كثير مننا بـ يهرب على المبانى العملاقة دى ويبعد عن حرارة الشوارع.

جنينة مول مكانه فى منطقة جانبية من مناطق مدينة نصر، شكله من الخارج مش بـ يقول كثير، إنما من الداخل واضح أن فيه فرق سنوات ضوئية بينه وبين مراكز التسوق المبهرة فى العاصمة. فرع كبير من سلسلة داليدريس على جانبى المدخل الرئيسي فى الدور الأرضى بمحلات منفصلة لكلٍ من الملابس الرجالي، والحريمي والإكسسوارات كلهم بشبابيك عرض زجاجية منظمة وأذواق على الموضة، ودى كانت بداية جيدة لرحلتنا فى جنينة مول.

ذروة المول عمومًا مُركزة فى الدور الأرضى اللى فيه كل الماركات المشهورة، وبكده يتبقى عدد قليل من المحلات يدفعك تكمل. محل أنيق من محلات تشارلز أند كيث Charles & Keith للإكسسوارات الحريمى، أما بالنسبة للرجال فـ يقدروا يتسوقوا فى كونكريت الشهير بملابسه السمارت كاجوال. لكل عشاق الرياضة جنينة بـ يقدم نايك وأديداس المليانين ملابس فرق الكرة العالمية. المول كحجم مش كبير للدرجة، لكن مساحة معقولة من الدور خصصت لمحلاته اللى تعتبر بدون شك أزحم المحلات. كوفى شوب كومبانى متمركز فى وسط الدور، وفرع ضخم من فروع ماكدونالدز يغطى تقريبًا جانب كامل من جوانب الدور.

الدور الأخير من المول هو مكان الفوود كورت اللى بـ تشمل كافيهات للشيشة، مع مجموعة من مطاعم الأكل الشهيرة زى أشيان كورنر Asian Corner، كوك دوور، تاندورى وسبكترا، والأخير بـ يقدم قعدة أنيقة غير تقليدية مع إضاءة خافتة خلف أبواب من الخشب الغامق. جنينة مول كمان بـ تقدم منطقة ألعاب شاملة تشمل ألعاب ركوب وحاجات ثانية للأطفال والبالغين، لكنها قديمة شوية وشكلها عتيق.

المول مقسم لخمسة أدوار، منهم دور تحت الأرضى، وبعد فترة من التمشية الموضوع بـ يتحول شوية لمتاهة، وعدم وجود أماكن مفتوحة أو شبابيك فى الممرات ممكن يضايق شوية. كل المحلات الموجودة مافيش فرق بينها وبين أى محلات فى أى شارع من شوارع القاهرة، وكلهم كمان شبه بعض. محلات أحذية فى كل مكان، والاسم الوحيد المشهور بينهم هو كلاركس، و”ميس سارة Miss Sara” فقط بين الموجودين يتميز بتقديمه إكسسوارات حريمى هائلة.

محلات ملابس روشة للشباب كثيرة ومتعددة، وكل منها له واجهته الخاصة. محلنا المفضل هو موتور اللى بـ نشوف فيه معدات زراعة على حوائطه كأنه فيلم غربى قديم، والتزامًا منه بستايل تيكساس، تركيزه الأكبر كان على الجينز والقمصان الكاروهات. بيلّا دونّا محل حريمى لذيذ بأفكار جذابة بـ تظهر فى شكله الأنيق. عدد بسيط من محلات ملابس الأطفال شكلهم غريب ومثير منهم “إليفينEleven ” و”بلانش Blanche“، والاثنين أسعارهم مناسبة. شوفنا كمان محلات كثيرة للساعات، نظارات الشمس، لانجيرى وكلهم بأسعار قليلة.

لحسن حظ جنينة، واضح أن مولات القاهرة اليومين دول أصبحوا أكثر من مجرد تجربة تسوق وكل مول لازم يختلف بحيث يتميز عن باقى المنافسين: مول العرب عنده النافورة الراقصة، صن سيتى مول عنده سينماته، أما سيتى ستارز فعنده كل حاجة الحقيقة. علشان ما ننساش، جنينة مول بـ يقدم ساحة تزلج على الثلج، مكانها فى الدور الأرضى، ويقدر زوار المول يدفعوا 20 جنيه مقابل 15 دقيقة، أو 60 جنيه لساعة كاملة. فكرنا نجرب الموضوع بس تراجعنا بسبب إحساسنا من الأطفال أن الموضوع سهل بزيادة ومافيش عندنا استعداد ننضم للعدد الكبير من الناس المتجمعين عند الجوانب. رغم أن اليافطات كانت تشير لشاشات سينما، المكان دلوقت فاضي وكل الباقي منه مبنى مظلم كئيب كله رمال يحتل نصف الدور الأوسط. محلات ثانية موجودة منها صالون التجميل “ويفز Waves” اللى بـ يقدم خدمات عناية بالشعر، وماكياج، وعلاجات للوجه وخدمات خاصة للعرائس.

قبل فوات الأوان، واضح أن جنينة مول أدركوا حقيقة أنهم بعدوا عن التطور وسبقتهم مولات كثير فى القاهرة. خططهم لسنة 2014 هو التوسع عن طريق إضافة فندق بالإضافة لمركز ترفيه ومطعم فى الهواء الطلق. فى السنين القادمة بـ يخططوا كمان لمجمع جديد فى القاهرة الجديدة. لو قدرت جنينة التحرك بسرعة ممكن تلحق تغير من هيئتها، وترجع لمكانتها عند عشاق التسوق فى القاهرة، لكن فى الوقت الحالى الموضوع صعب شوية.