The Definitive Guide to Living in the Capital , Cairo , Egypt

لو عاوز تعيش حياة صحية يبقى لازم تاكل أكل صحي وطبيعي، علشان كده هنقول لك في السطور الجاية على اختياراتنا لأفضل المحلات اللي بتوفر لكم منتجات طبيعية وصحية، هتفيدك وهتديك الطاقة اللي محتاجها. 

إمتنان – Imtenan:

امتنان منتجاته صحية 100%. وفيه  هتلاقي كل حاجة لها علاقة بالأكل الصحي والنظام الغذائي. لازم تجرم العسل النحل من عنده، ده غير المشروبات الصحية اللي كلها أورجانيك.

أبو عوف – Abu Auf:

محل مميز في القاهرة بيقدم لك في كل فروعه مجموعة اختيارات هايلة من المكسرات المختلفة، واللي بتتميز كلها بالجودة العالية. ده غير المنتجات المتنوعة من الفواكه المجففة وحبوب القهوة. أبو عوف دايمًا مكانه محفوظ بالنسبة للناس اللي بتدور على الطاقة.

جورميه مصر – Gourmet Egypt:

جورميه مصر هو المكان اللي بيجمع أحسن وأجود المكونات اللي ممكن تستخدمها في الأكلات، ده غير أنه بيقدم مجموعة كبيرة من المنتجات الغذائية العالمية اللي مش موجودة في أي سوبر ماركت ثانية في مصر. ولو أنت غاوي طبخ، يبقى أكيد تعرفه.

محلي – Ma7ali:

كل المنتجات عند محلي، محلية الصنع وعضوية، ده غير أنه كمان بيبيع منتجات مش سهل تلاقيها في مصر زي “شتني” وهو غموس مبهّر مشهورة به الهند ودول آسيا، وشاي “الكومبوشا” الآسيوي. وبفرعه في شارع 9 في المعادي، قدر يقدم مفهوم جديد عن أماكن بيع البقالة والمنتجات الغذائية.

وادي فوود – Wadi Food:

وادي فوود قدر يحقق نجاح ملحوظ، بجودة منتجاته الغذائية المتنوعة، اللي بنقابلها على طول في كل سوبر ماركت بنروحها. حتى قبل ما يفتح فروعه.

مزارع دينا – Dina Farms:

المنتجات الزراعية عالية الجودة لمزارع دينا، هي سبب شهرتها. واللي بتختلف عن أي مكان ثاني. وحتى بعد ما فتح فروع خاصة به في المدينة وقدم لنا مجموعة أكبر من المنتجات الغذائية، قدر أنه يحقق نجاح بجودة منتجاته وأسعاره المناسبة.