The Definitive Guide to Living in the Capital , Cairo , Egypt

منذ عهد القدماء المصريين والعسل من الأكلات الخالدة للمصريين، ومفيش بيت في مصر دلوقتي مش موجود فيه أحد أنواع العسل، ورغم الأنواع الكتير للعسل وفوائده إلا أن يظل العسل السدر خو الأفضل بين كل الأنواع ولكن لكل متذوق نوع خاص مفضل سواء كان للاستخدام كمكمل غذائي أو كتحلية للمشروبات وللإضافة في الأكلات، والسنة دي هينطلق مهرجان العسل المصري 2025 في نسخته الثامنة بمنتجات طبيعية متميزة، وخلال السطور اللي جاية هنقولكم على التفاصيل الكاملة لانطلاق مهرجان العسل المصري في حديقة الحرية بالزمالك.

مهرجان العسل المصري بيقدم مجموعة متنوعة من أنواع العسل المختلفة عن طريق عارضين متميزين وشركات متخصصة هيقدموا منتجاتهم تحت شعار “العسل المصري.. رحيق النيل الخالد” وهدفهم السنة دي ترسيخ مكانة العسل المصري كمنتج عالي الجودة يستحق مكانة مرموقة بين المستهلكين في كل مكان.

وبيسعى المهرجان لتوفير منتجات العسل ومستلزماته ومشتقاته بأسعار مخفضة وتشجيع صناعة العسل المصرية وخلق فرص التعرف على أنواع العسل الطبيعي والشركات المنتجة له، وكمان هيكون فيه ندوات وورش عمل لتطوير انتاج العسل ووضع المنتجين على المسار الصحيح للتوسع في تصدير العسل المصري.

المهرجان في نسخته الثامنة هيقام في الفترة من 27 نوفمبر حتى 30 نوفمبر 2025 بحديقة الحرية في الزمالك، وسعر تذكرة دخول الحديقة 20 جنيه، وتقدروا توصلوا لها من خلال المترو وأقرب محطة “الأوبرا” أو من خلال المواصلات العامة بأي وسيلة بتعدي على كوبري قصر النيل، وكمان لو هتروحوا بالسيارة فمتاح ركنات كتير هناك سواء على سور الحديقة أو جراج دار الأوبرا المصرية.

مهرجان العسل المصري بدء من عام 2019 وخلال الفترة دي أصبح من أهم المهرجانات اللي بينتظرها الجمهور بشغف للتعرف على أنواع العسل المصري والشراء بأسعار مخفضة ومهم كمان للشركات اللي بتسعى للتوسع والتصدير واللي بيقدموا منتجات العسل بجودة عالية ومميزة، وكمان بيكون فيه ندوات وورش عمل للتعرف على مراحل انتاج العسل والتطوير والفوائد وخلافه، ده غير الأنشطة الترفيهية والمسابقات اللي بتتقدم للجمهور.

العنوان: حديقة الحرية – أمام دار الأوبرا وكوبري قصر النيل – الزمالك.

تقدروا تعرفوا أكتر عنهم من خلال صفحة الفيسبوك من هنا.