The Definitive Guide to Living in the Capital , Cairo , Egypt

في كل سنة، بيتجمع كتير من المصريين يوم 25 ديسمبر، حوالين ”شجرة عيد الميلاد”، في تعبير جميل عن فرحة وبهجة أعياد الكريسماس، وبيكون للشجرة الخضراء الجميلة مكان مميز داخل البيت، وبيتم تنصيبها قبل العيد بعدة أيام وبتفضل لحد عيد الغطاس.

وبترجع فكرة ”شجرة عيد الميلاد” للقرون الوسطى بألمانيا، الغنية بالغابات الصنوبرية الدائمة الخضرة، وأول من استخدم شجرة الميلاد في أعياد الميلاد، هم الألمان، وده قبل المسيحية بزمن طويل، لإنهم كانوا بيعتبروا الشجرة الخضراء رمز للحياة الدائمة والبقاء.

وخلال السطور الجاية هنقول لكم على 3 أماكن في مصر، تقدروا تشتروا منهم أجمل وأحلى شجرة عيد ميلاد، وكمان الزينة بتاعتها، وهتوصلكم لحد البيت.

جوميا

موقع جوميا من أشهر المواقع في التسوق الإلكتروني، وعندهم زينة أعياد الميلاد سواء من متاجر داخل مصر أو حتى من بره مصر، وكمان عندهم شجر أعياد الميلاد بكل الأنواع والأحجام، وبتبدأ عندهم الأسعار من 42 جنيه، وتقدروا تشوفوا مجموعة كبيرة من اشجار وزينة أعياد الميلاد من خلال الضغط هنا.

سوق

هو تابع لموقع أمازون العالمي، وعندهم مجموعة من هدايا وزينة وأشجار أعياد الميلاد بأسعار بتبدأ من 16 جنيه، ومن مختلف الخامات والأحجام والأشكال اللي أكيد هتكونوا محتاجينها علشان تستمتعوا بعيد ميلاد مميز، وتقدروا تختاروا كل المنتجات اللي حبينها من خلال رابط موقعهم من هنا.

 

Ikea

من أشهر مواقع الأثاث والأجهزة والأدوات المنزلية، وبيقدموا كل أنواع الزينة الخاصة بالمنزل وكل المناسبات وعندهم زينة وأشجار أعياد الميلاد بكل الأنواع والأشكال، بسعر بيبدأ من 39 جنيه، وكلنا عارفين إن منتجات آيكيا بتتميز بالجودة، وتقدروا تتفرجوا على كل حاجة عندهم من هنا.

كل سنة وأنتم طيبين وبخير يا مصريين!