The Definitive Guide to Living in the Capital , Cairo , Egypt

في السنين الأخيرة، اصبح فيه توجه عالمي للتوعية بأضرار استخدام البلاستيك في صناعة كتير من الأدوات اللي بنستخدمها يوميًا، وضرورة استبدالها بمنتجات من الخشب أو من الورق، لأنها بتكون سهلة في التحلل، وبالتالي بتحافظ على البيئة، ومؤخرًا ظهرت في مصر تجارب إيجابية للحفاظ على البيئة، والـ “شاليموه” الورق واحد من التجارب دي.

لتشجيع الناس على التقليل من استخدام البلاستيك، وتحت شعار “صنع في مصر”، أطلقت شركة “Smart Straws” المصرية منتج مميز، وهو “شاليموه” مصنوع كليًا من الورق، كبديل عن البلاستيك.

أيوة.. الـ “شاليموه” مصنوع من الورق بنسبة 100%، ومطعم بـ “غراء طبيعي” علشان يكون متماسك، ومايتأثرش بالمياه بسهولة.

المسؤولين في “Smart Straws” قالوا لـ كايرو 360 إن اتجاهم لتصنيع منتجات صديقة للبيئة هدفه نشر الوعي بأهمية المنتجات البديلة للبلاستيك في مصر.

علشان تتعرفوا أكتر على الـ “شاليموه” الورق، ممكن تدخلوا على صفحة الشركة على الفيبسوك من هنا.