The Definitive Guide to Living in the Capital , Cairo , Egypt

إحنا في كايرو 360 بنشجعكم على القعدة في البيت الفترة دي، علشان تحموا نفسكم وغيركم من انتشار فيروس “كورونا” المستجد، ولو اضطرتكم الظروف للنزول يبقى لازم تتبعوا سبل الوقاية كاملة.

وعلشان تكونوا مرتاحين في البيت وقعدته، سواء كنتم من عشاق القراءة، أو مشاهدة التليفزيون، أو حتى هتشتغلوا من البيت، هنقولكم على 5 أماكن تقدروا تشتروا منها “بين باجز” مريحة، وتوصلكم لحد البيت.

خلينا في البداية نقولكم أن فيه 6 أشكال للـ “بين باجز” لازم تعرفوهم، وهم: “السرير – الكمترى – الشيزلونج – الأريكة – الكرسي – العادية”، وكل نوع فيه أشكال وألوان وأحجام مختلفة، وبيتصنعوا من “النايلون، الجلد، القطن، البوليستر، الفينيل، وجلد الغزال”، وطبعًا كل نوع تصنيع له أشكاله وتصميماته والمواد المستخدمة فيه.

Ariika

اسم كبير في مستلزمات المنزل، وبيوفروا الـ “بين باجز” بأسعار بتبدأ من 168 جنيه، وعندهم 6 ألوان علشان تناسب كل الديكورات، وكمان أحجامهم مناسبة للأطفال والكبار.

علشان تقدروا تطلبوا اللي محتاجينه أدخلوا على موقعهم الإلكتروني من هنا.

جوميا

معروف عنه أنه سوق متكامل فيه كل حاجة وتقدروا تطلبوا أونلاين منه اللي محتاجينه، والـ “بين باجز” عندهم بيبدأ سعرها من 123 جنيه، وكمان عندهم تشكيلات مختلفة، وفيه بعض المنتجات شحنها مجانًا.

لو حابين تطلبوا من عندهم فأدخلوا موقعهم الإلكتروني من هنا.

سوق

هو المنافس الأهم لموقع جوميا، ومايختلفش عنه في حاجة، لأنه سوق متكامل فيه كل حاجة تحتاجوها، ومن ضمنها الـ “بين باجز” اللي سعرها بيبدأ من 98 جنيه، وكمان عندهم خدمة التوصيل تاني يوم للقاهرة والجيزة.

تقدروا تشوفوا وتطلبوا من عندهم عن طريق الموقع الإلكتروني من هنا.

Bomba

البين باجز عندهم 4 أنواع “خارجي – داخلي – أطفال – عملاق”، وسعرهم بيبدأ من 129 جنيه، بأشكال وتفاصيل مختلفة.

ولو عاوزين تطلبوا من عندهم فأدخلوا موقعهم الإلكتروني من هنا.

راية شوب

أيوة هما راية بتوع الموبايلات، واللي عندهم أجهزة كهربائية ومستلزمات مطبخ كمان، واللي مؤخرًا توسعوا ويبيعوا حاجات أكتر، وعندهم الـ “بين باجز” بتبدأ من 249 جنيه لـ3 قطع، وعاملين عروض هايلة كمان.

تقدروا تعرفوا أكتر عن منتجاتهم وتشتروا عن طريق الموقع الإلكتروني من هنا.