علشان حياتك تبقى أسهل.. 5 أماكن لتوصيل الفواكه والخضروات الطازجة لحد باب البيت
أفضل أماكن بيع الخضروات أونلاين بيع فواكه وخضروات خضار شراء شراء الخضروات أونلاين فاكهة فواكه أونلاين كورونا
Mohamed Talaat
الخروج من البيت بقى خطر في ظل انتشار الموجة الثانية من فيروس “كورونا” المستجد (كوفيد 19)، ودائمًا نصيحتنا لكم هي البقاء في المنزل والخروج للضرورة وبس والبعد عن التجمعات نهائيًا وده لأمانكم وسلامتكم، وعلشان متطلبات البيت بتجبرنا ننزل من البيت هنعرفكم في الموضوع ده على 5 أماكن موثوقة تقدروا تشتروا منها الخضروات والفواكه الفريش وهتوصلكم لحد باب البيت.
ثمار فودز
بيبيعوا كل أنواع الخضروات والفواكه، وعندهم كمان منتجات مستوردة، والتوصيل مجانًا لحد باب البيت في نفس اليوم أو تاني يوم بالكتير.
تقدروا تتواصلوا معاهم من خلال صفحة الفيسبوك من هنا.
فروتي ماركت
بتوصل خضروات وفواكه طازجة يوم بيوم، ومنتجاتهم متنقية بالواحدة، والتوصيل لحد البيت تاني يوم أو في نفس اليوم لو طلبتوا الأوردر الصبح بدري.
تقدروا تتواصلوا معاهم من خلال صفحة الفيسبوك من هنا.
فكهاني
بيقدم الخضار جاهز على الطبخ وفاكهة طازة ومتنقية والتوصيل لحد باب البيت لمناطق “التجمع – الرحاب – الشيخ زايد – أكتوبر – حدائق الأهرام”.
تقدروا تتواصلوا معاهم من خلال صفحة الفيسبوك من هنا.
فريش توداي
كل منتجاتهم طازجة والخضروات جاهزة على التسوية على طول، والفواكه طازجة وجديدة.
تقدروا تتواصلوا معاهم من خلال صفحة الفيسبوك من هنا.
فريش باي
بينتجوا كل الخضروات والفواكه الطازجة وبيوصلوا لمناطق الجيزة كلها والقاهرة الجديدة والشروق ومدينتي، والتوصيل بيكون أيام الأحد – الإثنين – الأربعاء.
تقدروا تتواصلوا معاهم من خلال صفحة الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
