The Definitive Guide to Living in the Capital , Cairo , Egypt

رنا شرف

الصورة الرئيسية: Sergey Kotenev

مع وصول عيد الأضحى، بتبدأ شوارعنا تتزين بريحة مميزة جدًا.. ريحة اللحمة الطازة وهي بتتشوح على نار هادية، أو حتى اللحظة اللي بنشوف فيها الأضحية رايحة للجزار، لحظة بتفكرنا ببهجة العيد ولمّته.

اللحمة في العيد مش مجرد أكلة، دي طقس وفرحة، وسفرة مليانة كرم. ناس كتير بتحب تبدأ أول يوم بلحمة مشوية أو محمّرة، وتاني يوم فتة، وفيه ناس بتبدأ بالفتة من أول يوم ومعاها صينية الرقاق باللحمة المفرومة اللي بتكمل الطعم والحكاية.

وعلشان تجهّز عزومتك بأعلى جودة وأطعم لحمة، جبنالك 5 أماكن تشتري منهم لحمة مضمونة.. سواء كنت بتحب البلدي، أو عاوز لحمة مستوردة فاخرة، أو بتدور على جزارة نظيفة ومنظمة.

بوتشر هاوس – Butcher House

لو بتحب الستيك والسلو-كوكد لحوم، المكان ده ليك! بيقدم لحوم أمريكي وأسترالي، وطريقة عرضهم شيك جدًا. تجربة تسوّق ممتعة من أول ما تدخل.

الفروع: التجمع – الشيخ زايد – أكتوبر

اعرف عنهم أكثر من هنا.

جورميه إيچيبت – Gourmet Egypt

مكان معروف بالجودة العالية في كل منتجاته، سواء المصنعة أو اللي بيستوردها. هتلاقي عنده لحوم بلدي ومستورد متغلفة بشكل محترم. مناسب لو بتدور على لحمة ممتازة وجاهزة للطبخ على طول.

الفروع: الزمالك – المعادي – الشيخ زايد.

اعرف عنهم أكثر من هنا.

برايم كتس – Prime Cuts

جزارة أوروبية فاخرة بكل ما تعنيه الكلمة، بتقدملك لحوم نيوزيلندي مستوردة بجودة ممتازة. المكان مثالي لو عاوز لحمة متقطعة ومحضرة على مستوى عالي.

المعادي – شارع اللاسلكي.

اعرف عنهم أكثر من هنا.

سعودي – Seoudi Supermarket

واحد من أفضل السوبرماركتس في مصر، عنده لحوم بلدي ومستورد، وكمان مجمدات قليلة الدسم، مثالية للناس اللي بتراعي الأكل الصحي من غير ما تتنازل عن الطعم.

الفروع: الدقي – المعادي – الرحاب

اعرف عنهم أكثر من هنا.

ذا ميت ماستر – The Meat Master

المكان نظيف ومرتب جدًا، وعنده كل أنواع اللحوم بلدي ومستورد. لو بتدور على تجربة جزارة أنيقة بجودة عالية، لازم تزوره، خصوصًا لو مش فارق معاك السعر مقابل جودة تستاهل.

الفروع: التجمع – الشيخ زايد.

اعرف عنهم أكثر من هنا.

وأخيرًا..

خد بالك: الأسعار بتختلف حسب النوع والمصدر، بس الجودة في الأماكن دي بتضمنلك لحمة تليق بعزومة العيد.