The Definitive Guide to Living in the Capital , Cairo , Egypt

انتشرت في الفترة الأخيرة المشاريع المصرية الناشئة في مجال الإكسسوارات واللبس والديكور. لكن كان دائمًا فيه مشكلة بتواجع البنات، خاصة المحجبات، وهي وجود ملابس مصرية واسعة وعلى الموضة وبسعر كويس، لكن نقدر نقول إن المشكلة دي بدأت تتحل ومن بنات زيهم، بدأوا يوفروا حلول بديلة وعصرية تسهل عليهم أنهم يلبسوا لبس شيك وفي نفس الوقت مناسب لاحتياجاتهم.

مؤخرًا، اتعرفنا على صفحة  Find your Nur واللي موجودة  على الفيسبوك من هنا، وبرضه على إنستجرام هنا.  والجميل والمميز في الصفحة دي أنها مش بتوفر اللبس بهدف تجاري وبس، عرفنا إن القائمات على المشروع بيوجهوا 20 % من الربح للأعمال الخيرية والخاصة بدعم وتشغيل المرأة المعيلة بالذات في أكتر من منطقة زي منشية ناصر وجوار سيدنا الحسين.

يعني مش بس بنشتري حاجة عاجبانا لكن كمان بننمني صناعة مصرية وبنفتح باب رزق لناس محتاجة ده جدًا، وبسعر على قد ميزانيتنا.

من الحاجات اللي لفتت نظرنا كمان اسم الصفحة find your Nur أو ابحث على نورك، في إشارة إنه ممكن يكون اللبس بيضيف بهجة ونور على شخصيتنا مش كجزء أساسي لكن كنور بيزيد الجمال الداخلي لكل حد فينا.

الصفحة بتعمل في رمضان صناديق فيها إسدال ومصحف وسبحة ودي فكرة حلوة.

عجبنا جدًا الشكل اللي بتقدم بيه الصفحة كل منتجاتها بحب ونور ورغبة في تسهيل الحياة على البنات اللي بتتعب لحد ما تلاقي حاجة تناسبها بسعر مناسب.

بنتمنى البراند يكون له مقر على أرض الواقع ومايكونش مجرد مشروع أونلاين بس، وده لأننا شايفين الفكرة تستاهل تتوجد في كل مكان.

تقدروا تشوفوا كل تصميمات ملابس المشروع من هنا.