The Definitive Guide to Living in the Capital , Cairo , Egypt

في السنوات الأخيرة، حركة شراء الكتب المطبوعة في أجمل حالاتها، ودي حاجة عظيمة وتستحق الفخر. المجتمع المصري هيكون أجمل لما الكتب تنتشر وتبقى حاجة أساسية في حياتنا. وعلشان تشتري كتاب جميل مش لازم تنزل وتروح مكتبة، فيه مواقع بتبيع كتب وبتعمل تخفيضات، والكتاب هيوصلك لحد باب بيتك أو شركتك.

تعالوا نتعرف على أفضل مواقع بيع كتب أونلاين في القاهرة لعام 2022.

 

مكتبة الشروق

هتلاقوا على موقعهم كل الإصدارات اللي محتاجينها من الكتب بكافة أنواعها، سواء عربية أو مترجمة أو بلغات مختلفة، كل اللي عليكم تدخلوا على الموقع الإلكتروني بتاعهم وتختاروا اللي محتاجينه.

لشراء الكتب زوروا موقعهم الإلكتروني من هنا.

بيت الكتب

عندهم إصدارات مختلفة لدور نشر كتير، وتقدروا تختاروا أي أنواع كتب تعجبكم، وعلى الرغم من أن مقرهم في الإسكندرية إلا أنهم بيشحنوا لكل محافظات مصر، وفي وقت سريع.

لشراء الكتب زوروا موقعهم الإلكتروني من هنا.

ديوان

من أشهر المكتبات في القاهرة، واللي هتلاقوا على موقعهم كل الكتب اللي نفسكم فيها، وكمان عاملين خدمة التوصيل مجانًا لو طلباتكم زادت عن مبلغ معين.

لشراء الكتب زوروا موقعهم الإلكتروني من هنا.

عصير الكتب

لو أنتم محتاجين لأي أنواع كتب، فأكيد هتلاقوها في موقع عصير الكتب اللي عندهم مجموعة متنوعة من الكتب المختلفة، من إصدارات دور نشر كتيرة.

لشراء الكتب زوروا موقعهم الإلكتروني من هنا.

أمازون

عندهم كتب في كل المجالات وكمان مش هتتعبوا إنكم تدوروا علشان هما مقسمين الكتب بأنواعها فتدخلوا على القسم اللي محتاجينه بدون تعب، وكمان خدمة التوصيل عندهم سريعة داخل القاهرة الكبرى.

لشراء الكتب زوروا موقعهم الإلكتروني من هنا.