The Definitive Guide to Living in the Capital , Cairo , Egypt

الجاتوه من الحلويات اللي ليها رونق خاص، وكل عاشق للحلويات بيكون له مكان بفضل منتجاته عن التاني، وكلنا بندور على الجودة والسعر المناسب، ودي معادلة صعبة وعلشان مافيش بيت مصري بيكون خالي من شخص عاشق للجاتوه على الأقل، هنقول لكم خلال السطور الجاية على أجمد 5 محلات بتبيع الجاتوه في القاهرة بجودة عالية وسعر معقول.

بيستاشيو

هما حاليًا أونلاين ستور، بس لازم نرشحهم بشدة لأنهم هيرفعوا راسكم، علشان هما بيصنعوا الجاتوه طازة بشكل يومي، وأنتم هتكونوا أول ايد تلمسه، وكمان هما مميزين أنهم بيستخدموا أفضل الخامات في صناعة كل قطعة، والقطعة سعرها بيبدأ من 25 جنيه، وسعر التوصيل بيكون على حسب المنطقة.

تقدروا تطلبوا أونلاين من خلال موقعهم الإلكتروني من هنا.

سيموندس

لازم تجربوا قطعة تارت الفراولة من سيموندس، مافيش زيها تاني، وهما من أقدم الأماكن وأشهرها اللي بتقدم قطعة جاتوه مصنوعة بحرفية وبخامات عالية الجودة، وسعرهم بيبدأ من 22 جنيه، ولهم فروع كتير، وكمان عندهم خدمة التوصيل.

تقدروا تعرفوا أكتر عن سيموندس من خلال صفحة الفيسبوك من هنا.

زنوبيا

الحقيقة هو من ترشيحات القراء، وبيقدموا قطع جاتوه بأطعمة مختلفة وجودة ممتازة، وأسعار الجاتوه عندهم بتبدأ من 16 جنيه للبلاك فورست، وأغلى قطعة جاتوه عندهم سعرها 25 جنيه، وعندهم 9 فروع في القاهرة، وخدمة التوصيل متاحة.

تقدروا تعرفوا أكتر عنهم من خلال صفة الفيسبوك من هنا.

DUKES

الجاتوه عندهم حكاية، والطعم رواية، علشان هما من أفضل الأماكن وأحسنها في استخدام خامات متميزة بقيمة عالية، وسعر قطعة الجاتوه عندهم بيبدأ سعرها من 25 جنيه، وعندهم فروع في أرقى المناطق ومتاح خدمة التوصيل.

وتقدروا تعرفوا أكتر عنهم من خلال صفحة الفيسبوك من هنا.

إيتوال

دايمًا بيعمل قلق بمنتجاته الشرقية، والجاتوه عنده حلو وله مريدينه، خاصة مع فنجان القهوة أو كوباية العصير، وسعر القطعة عندهم 10 و15 جنيه، وفروعهم منتشرة في القاهرة، وكمان عندهم خدمة التوصيل متاحة.

تقدروا تعرفوا أكتر عنهم من خلال صفحة الفيسبوك من هنا.