Mohammed Sabry
لو بتحب تلعب مزيكا وخصوصًا جيتار، بس ماعندكش أي خبرة في أنواعه وإزاي تختاره، إحنا هنقدملك أهم النصائح اللي بيها تقدر تشتري جيتار جديد، وتتعلم عليه.
الجيتارات بشكل عام نوعين: أكوستيك وإلكتريك.
الأكوستيك بيتقسم لنوعين: فولك وكلاسيك. الكلاسيك هو النوع اللي هنركز عليه لأنه هو أنسب نوع للمبتدئين، وبتكون أوتاره من النايلون أو البلاستيك. لما نبص على مكونات الجيتار عمومًا، هنلاقيه بيتكون من: جسم – رقبة – bridge – أوتار – مفتاح النغمات.
نيجي بقى لأهم النصائح:
1- زي ما قولنا كلاسيك جيتار هو الأنسب، لأنه رقبته بتكون أعرض من الأنواع التانية. وبالتالي في مساحة أكبر لصوابعك على الأوتار.
2- ركز على اللون والـ finishing بس. وبعد ما تتعلم العزف وتكون محترف، تقدر تختار أنواع مختلفة حسب احتياجك.
3- اسأل على الأنواع المخصصة للمبتدئين من أشهرها: Yamaha C40 – Yamaha C70.
4- لازم تاخد الشنطة بتاعت الجيتار علشان تحافظ عليه. علشان لو هتتحرك بيه وتروح من مكان لمكان.
5- يُفضل تشتري جيتار جديد وبلاش المستعمل.
6- اتأكد إن الأوتار قريبة من رقبة الجيتار، علشان تقدر تعزف عليها بسهولة.
أما عن أماكن بيع الجيتارات، فهو بيكون متواجد في محلات بيع الآلات الموسيقية في أماكن كتيرة زي:
– فلويد ميوزك ستور في الدقي.
– ديسبل في المهندسين
– بيانو مرزوق في وسط البلد
– فروع جوهرة الفن في: شارع محمد علي في العتبة – شارع البستان في باب اللوق – شارع الطاقة في مدينة نصر.
علشان تكونوا عارفين، متوسط أسعار الجيتارات هي 3000 جنيه. وطبعًا في أغلى وأرخص من كده حسب الأنواع والماركات المختلفة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
