لو بتفكر تشتري زيرو.. دليلك لأرخص 5 عربيات في معارض القاهرة
أرخص سيارات زيرو أرخص عربيات في مصر أرخص عربية في مصر أسعار العربيات اسعار السيارات في مصر عربيات جديدة في مصر
Mohamed Talaat
أكيد بتحلم تشتري عربية جديدة، تتحرك بيها براحتك في القاهرة، أو حتى تسافر بيها بين محافظات مصر المختلفة. في الموضوع ده، هنعرفك على أرخص سيارات زيرو في مصر 2022، وأكيد هتلاقيهم متوفرين في أهم معارض بيع السيارات في القاهرة.
لادا جرانتا
من أرخص السيارات المتاحة في الأسواق المصرية عربية “لادا جرانتا” موديل 2022، واللي فيها ناقل يدوي. ودي بتبدأ أسعارها من 174 ألف جنيه، أما سعر الفئة الثانية منها فبيبدأ من 194 ألف جنيه.
بروتون ساجا
هتلاقوا عربيات “بروتون ساجا” في معارض بيع العربيات في القاهرة بأسعار رسمية بتبدأ من 167 ألف جنيه للفئة القياسية، و189 ألف جنيه للفئة الثانية، أما سعر الفئة الأعلى تجهيزًا منها فبيوصل لـ 205 ألف جنيه.
وبتتوفر ساجا الجديدة بمحرك سعة 1300 سي سي، بقوة 89 حصان، وبتتوفر في الأسواق المصرية 3 فئات من العربية.
شانجان
بتنتمي “شانجان” للعربيات السيدان العائلية، وهي متوفرة السنة دي بثلاث فئات وبتبدأ أسعارها في الأسواق من 172 ألف جنيه وبيوصل سعر الفئة الأعلى تجهيزًا حوالي 207 ألف جنيه.
شيري
بيوصل سعر سيارات “شيري أريزو 5” في معارض القاهرة لحوالي 188 ألف جنيه، و201 ألف جنيه للفئة الثانية، و207 ألف جنيه للفئة الثالثة، والعربية دي حققت مبيعات كبيرة في سنة 2021.
سوزوكي ديزاير
من ضمن أرخص سيارات في مصر عندنا كمان “سوزوكي ديزاير”، اللي بيوصل سعرها لحوالي 178 ألف جنيه للفئة الأولى، وبيوصل سعر الفئة الثانية منها لحوالي 209 ألف جنيه.
لقيت اللي بتدور عليه؟
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
