The Definitive Guide to Living in the Capital , Cairo , Egypt

جمع طوابع البريد هواية من الزمن الجميل، كانت منتشرة جدًا زمان في عالمنا، وكانت أغلب مجلات الأطفال والمراهقين فيها صفحة خاصة موجهة لهواة جمع الطوابع، وغالبًا كانت الهواية دي بتكون مشتركة مع هواية جمع العملات.

سواء كنت حابب تبدأ الهواية دي من الصفر، أو كنت بتمارسها زمان وأنت صغير، هنعرفك على أهم 3 أماكن تشتري منهم طوابع في القاهرة.

 

1 – الجمعية المصرية لهواة طوابع البريد

مقرها في وسط البلد، وهي بجد التجمع الأهم لهواة الطوابع من كل أنحاء مصر، هناك هتتعرف على ناس بتشاركك نفس الهواية، وهتفهم أسرار الهواية دي بجد، وهتقدر تشتري أهم ألبومات الطوابع.

الجمعية موجودة في 16 شارع عبد الخالق ثروت، وهنا صفحتها الرسمية على فيسبوك.

2 – مقهى ديانا بشارع عماد الدين

المقهى ده بيتجمع فيه كل هواة جمع طوابع البريد، وخصوصًا أيام السبت والثلاثاء. التجمع مابيكونش للهواة وبس، هتلاقي هناك برضه أهم تجار الطوابع في القاهرة.

المقهى موجود في الشارع الضيق الموجود بجانب سينما ديانا بوسط القاهرة.

 

3 – طوابع أونلاين

موقع أمازون بيوفر مجموعة كبيرة من الطوابع بأسعار متفاوتة، الباعة هنا هم تجار وهواة طوابع البريد.

ده لينك مباشر هيدخلك على قسم طوابع البريد.

فيه كمان صفحة مهمة على فيسبوك، مؤسسها هو هاوي مخلص لهواية جمع الطوابع. الصفحة اسمها “وسط البلد للطوابع” ومش بس هتقدروا تشتروا منها، دي كمان بتوفر معلومات مهمة عن الهواية دي.

ده رابط الصفحة.