The Definitive Guide to Living in the Capital , Cairo , Egypt

لعشاق القهوة.. أشهر 7 أماكن تشتروا منهم بن في القاهرة
بواسطة
Mohammed Sabry

بغض النظر عن موضوع العمق وفيروز والكلام المعقد ده، ماحدش ينكر إن القهوة ليها سحر خاص، فنجان واحد منها كفيل يظبط مودك اليوم كله، دي حتى ريحتها لوحدها بتبسطك.. فإحنا قولنا نجمع لكم أشهر أماكن بيع البن في القاهرة، علشان كل واحد يختار البن اللي يظبط مزاجه على طريقته.

بن شاهين

مع المجهود المستمر، وخبر 70 سنة، مع أحدث تكنولوجيا التحميص المستخدمة، بن شاهين بيقدم واحد من أفضل أنواع البن اللي ممكن تجربها. ودي صفحتهم.

بن العروبة

في بن العروبة بيتم اختيار الحبوب من أفضل مزارع البن في العالم (أمريكان الجنوبية – أمريكا الوسطى – آسيا – إفريقيا). علشان يوصل للتوليفة الأفضل في كل أنواع القهوة. وده الويب سايت بتاعهم.

أبو عوف

بجانب المكسرات بأنواعها المختلفة، أبو عوف بيقدم كمان مجموعة متنوعة من حبوب البن، بتحويجات مختلفة. ودي صفحتهم.

بن عبد المعبود الأصلي

في بن عبد المعبود تقدر تعمل قهوتك الخاصة، من أجود أنواع الحبوب عندهم. لك كامل الحرية في الاختيار. ودي صفحتهم.

المحمصة اللبنانية

زي أبو عوف بتقدم أنواع مختلفة من المكسرات، بجانب أنواع مختلفة من حبوب البن. وفروعه بتغطى أماكن كتيرة جوة وبرة القاهرة. ودي صفحتهم.

بن العميد الأصلي

بن العميد اللي اتأسس في الكويت سنة 1973، من أشهر أنواع البن المعروفة. وهو دلوقتي موجود في مصر. وبيتباع في أماكن محددة منها: سعودي – كارفور – on the run وغيرهم. تقدروا تعرفوا كل الأماكن بالتفصيل من صفحتهم.

بن الشامي

مكان متخصص في مصر لبيع وتحميص وتغليف وتعبئة البن. مع المذاق السوري الفريد. ودي صفحتهم.

مقترح