مشروع Scarab Egypt.. اشرب قهوتك واعرف تاريخك يا مصري
Scarab Egypt شراء ماجات أونلاين مشاريع فنية مشاريع ناشئة مصر القديمة منجات هدايا فرعونية هدايا
Cairo 360
يمنى أحمد
الصورة الرئيسية تعبيرية، والصور الداخلية من صفحة المشروع على فيسبوك.
مش قلنا لك إن القاهرة دي مليانة حكايات وتجارب مميزة؟ ده اللي كل شوية بنتأكد منه عن طريق الأماكن والمبادرات اللي فيها. خلونا نعرفكم عن مبادرة إبداعية نفذتها الصحفية زينب صبحي في القاهرة، ودي عبارة عن مشروع له علاقة بالتاريخ العريق للبلد دي، “زينب” بتبدع منتجات شبابية هتخليك تتعرف على سيرة ملوك المصريين القدماء. يلا بينا نعرف أكثر عن الفكرة!
على مدار 6 أشهر تعبت فيهم زينب صبحي علشان تعمل Scarab Egypt، طبعًا علشان تلف على ورق حقوق الملكية الفكرية وتوثيق المشروع اللي بيتكلم عن سيرة القدماء المصريين، منتجات تقدر تستخدمها مطبوع عليها صور لملوك وملكات مصر القديمة، وتقدر تعرف من خلال الـ Qr code اللي عليها كل حاجة عن الملوك دول، حكاياتهم، شخصياتهم، سبب شهرتهم وتميزهم، وتقدر تختار بين ملوك كتير أوي حتى اللي مش مشهور منهم.
المشروع ده بيرجع للتاريخ روحه، يخلي عندك جزء من تاريخ الحضارة المصرية في مقتنياتك الشخصية، غير إنهم قرروا يبدأوا بالمنتجات الأقل تكلفة، وهو المجات، يعني هتقدر تشرب في مج عليه صورة ملك من ملوك قدماء المصريين براحتك، مع معرفتك بكل بساطة مين هو الملك ده، ودي واحدة من المحاولات اللي بتقرر تحافظ على الهوية المصرية.
الملاحظة الوحيدة عندنا بخصوص المشروع تتعلق بقلة منتجاتهم، على الأقل المعروضة على الصفحة. رغم جمال الفكرة وأهميتها لكننا حسينا إنها محتاجة منهم شغل أكثر، حتى لو كانت الفكرة لسة جديدة.
اعرفوا أكثر عن منتجاتهم من خلال صفحتهم على فيسبوك من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
