The Definitive Guide to Living in the Capital , Cairo , Egypt

تسوق

مشروع “SO Paintings” الفني.. هدايا مصنوعة بكل حب

SO Paintings ألوان رسم رسومات سلسلة مشروع فني مشروعات شبابية هاند ميد هدايا هدايا رخيصة
مشروع “SO Paintings” الفني.. هدايا مصنوعة بكل حب
بواسطة
Mohamed Talaat

الرسم زي الكلمات بيعبر عن مشاعرنا ولكن بدون حروف، والرسم هو الأسلوب اللي اختارته مؤسِسة مشروع “SO Paintings” الفني سارة العربي، خريحة تجارة عين شمس، علشان تعبر عن مشاعر المصريين من خلال هدايا مميزة وسعرها رخيص.

سارة من صغرها وهي بتحب الرسم، وكان حلمها تدخل فنون جميلة. لكن للأسف ده ماحصلش فقررت تتحدى كل حاجة وتحول شغفها بالفن والرسم لمشروع، وفي السطور الجاية هنعرفكم أكتر على سارة ومشروعها الفني “SO Paintings” اللي بيتميز بالبساطة الشديدة وهدفه نشر الفن بين المصريين من خلال هدايا مصنوعة بكل حب.

بدأت سارة سنة 2015 ترسم مع نفسها، وتتفرج على فيديوهات الرسم على اليوتيوب علشان تفهم العالم ده أكتر، واستمرت على كده لحد أواخر سنة 2017، وبعدها قررت تبدأ مشروعها الخاص، وعملت صفحة على فيسبوك لبيع لوحات بسيطة لأصحابها، وبعدها قررت تطور مهاراتها وترسم على السلاسل لأنها بتحب شغل الهاند ميد.

تجربة السلاسل بدأت تنتجح، فقررت سارة تكمل نجاح وفن وانتقلت بعدها لمرحلة تانية وهي الرسم على التيشيرتات والأحذية والإسكارفات وكمان بقت بترسم لوحات فنية.

أول صورة رسمتها سارة العربي كانت تابلوه بالألوان الزيت، ودلوقتي بتستخدم ألوان قماش، وأكرليك، وألوان أكوريل، وغيرهم، والسلاسل الخاصة بيها بتكون مصنوعة من النحاس والأسعار عندها بتبدأ من 65 جنيه للسلسلة الواحدة.

علشان تعرفوا أكتر عن مشروع “SO Paintings” الفني، زوروا صفحتهم على الفيسبوك من هنا.

مقترح