The Definitive Guide to Living in the Capital , Cairo , Egypt

البازل لعبة بتجذب عدد كبير من الأطفال، وأحيانًا بيكون فيه كبار بيحبوا اللعبة دي، ومنتجات البازل كتير في محلات لعب الأطفال، وأغلبها بيكون لشخصيات خيالية محببة للأطفال، لكن في الفترة الأخيرة ظهرت ألعاب بازل خاصة جدًا، بتوثق لمشاهد جميلة من تاريخ مصر، المنتجات دي خرجت من شركة مصرية اسمها Fluffy Bear اللي بدأت نشاطها من سنة 2016، وهدفها تقدم ألعاب تعليمية وجماعية للأطفال بروح مصرية جدًا.

 

الشركة شعارها We play to learn، وبتعتمد على 3 محاور رئيسية في منتجاتهم، الأول الألعاب الجماعية، وهي مجموعة من الألعاب بتناسب كل الأعمار وكل أفراد الأسرة، وبيكون هدفها تنمية المهارات زي التركيز، وتنمية الذاكرة، وسرعة اتخاذ القرار زي Eye Spy، Shark Attack، Color Phobia، Connect Animals، Old Mac و Shopping Mania.

والمحور الثاني للألعاب التعليمية، وبتكون عبارة عن مجموعة ألعاب تهدف لتوضيح معلومات تعليمية في الألعاب، وموجودة لكل الأعمار بالعربي والإنجليزي والفرنساوي والألماني، زي ألعاب Match & Learn، My Brainy Match، Spot It، Fun to Learn و غيرهم.

أما ألعاب البازل، فهي مخصص لكل الأعمار من سن سنتين، وبتعتمد على أفكار جديدة تضمن من خلالها المنافسة في السوق المصري والعالمي من خلال أنماط مختلفة ومش عادية، وفيه أنواع كتير من البازل، الأول هو Augmented Reality Puzzle، وده بازل لمجموعة من الحيوانات ومعاه أبليكيشن بيساعد الطفل على التعايش مع الحيوان المفضل له، واللعب معه، والتعرف على كل المعلومات اللي بيحتاجها، واللي متاحة بـ3 لغات مختلفة، وكمان ممكن للأطفال يتصوروا مع الحيوانات.

وفيه لعبة Rounded Puzzle، ودي على شكل دائري، علشان يشارك فيه أكتر من شخص في نفس الوثت، وبيتكون من 30 لـ500 قطعة.

أما نوع Shaped Puzzle فده بازل على شكل مجموعة من وجوه الحيوانات ودي تعتبر تحدي كبير في التجميع والتركيب.

وكمان عندهم Coloring Puzzle ودي مجموعة من البازل بيتم تجميعها وتلوينها حسب رغبة كل شخص، وهي مناسبة لكل الأعمار من سن 3 سنوات.

أما المجموعة الأهم من وجهة نظرنا، فهي “مصر جميلة.. خليك فاكر”، فدي مجموعة بتهدف لتسليط الضوء على تاريخ مصر المعاصر والقديم، من خلال طرح لعبة Oriental Puzzles، وهي عبارة عن لوحات المستشرقين والفنانين اللي زاروا مصر وفُتنوا بجمالها وسحرها، واللي تم تحويلها لبازل يجمع بين متعة التركيب ومتعة الاحتفاظ بقطعة فنية في البيت، وكمان بيتم توثيق كل المعلومات الفنية والتاريخية لكل لوحة وكل فنان علشان تعرفوا تاريخهم.

ومن ضمن المجموعة بازل Egyptian Art، ودي بتكون عبارة عن بازل للوحات الفنانين المصريين اللي أبدعوا في التعبير عن مصر وجمالها من خلال لوحات مميزة، وأول مجموعة بازل كانت للفنان صلاح عناني اللي لوحاته سجلت حاجات عظيمة ومنها لوحة الأديب العالمي نجيب محفوظ، ولوحة 100 سنة تنوير اللي فيها 28 شخصية من رموز مصر في مختلف المجالات زي سيد درويش، أم كلثوم ، طه حسين، عباس العقاد، رفاعه الطهطاوي، نجيب الريحاني، قاسم أمين.. وغيرهم.

أما اللوحة الثالثة للفنان صلاخ عناني، هى لوحة 100 سنة سينما واللي بتخلد نجوم السنيما المصرية على مدار 100 سنة، زي إسماعيل ياسين، ليلى مراد، يوسف وهبي، زكي رستم .. وغيرهم.

ومن ضمن مجموعة “مصر جميلة” بازل Vintage Egypt، ودي توثيق وتخليد لأهم الأحداث والذكريات الجميلة للمصريين زي أهم الطوابع أو العملات أو المجلات أو أفيشات الأفلام أو المشاهد التليفزيونية والسينمائية أو الإعلانات.، واتنفذ منها 4 تصميمات Egyptian Kingdom Stamps، Childhood Memories، Unforgettable Ads، Memorable Scenes.

وتقدروا تشتروا منتجات شركة Fluffy Bear من خلال صفحتهم على فيسبوك من هنا.

أو التواصل عن طريق رقم التليفون 01018622011.