The Definitive Guide to Living in the Capital , Cairo , Egypt

أقاويل كتير انتشرت الفترة الأخيرة بخصوص عسل النحل المغشوش وبقت حرب على السوشيال ميديا والخوف بقى مسيطر على الناس بسبب عدم الثقة في العسل داخل مصر، ولكن بما أن الدنيا لسه بخير فإحنا من خلال التجربة والبحث قررنا نرشح لكم 3 أماكن تشتروا منها عسل نحل طبيعي وبجودة عالية وده بناءً على تجاربنا الشخصية، وآراء العملاء اللي اتعاملوا مع الأماكن دي.

مملكة النحل

مجموعة مناحل مختلفة في الصعيد وتشتهر بإسم “مناحل محمد محرز”، بتنتج كل أنواع العسل “شمر – برسيم – موالح – سدر جبلي”، واحنا بنرشحهم بقوة لأنهم اختيارنا الأول ودايمًا بنشتري منهم لينا أكتر من 7 سنين، والحمد لله كل مرة العسل بيتفوق على نفسه عن اللي قبله، والأسعار تبدأ من 250 جنيه للكيلو للشمر والبرسيم والموالح، أما السدر الجبلي فسعر الكيلو 750 جنيه.

رقم التليفون: 01100898877

تقدروا تعرفوا اكتر عنهم من خلال صفحة الفيسبوك من هنا.

المطعني

من الأماكن اللي بيتيع عسل نحل بأنواع مختلفة “بردقوش – برسيم – موالح – سدر جبلي” في القاهرة وهما بيضمنوا أن العسل عندهم طبيعي 100%، والأسعار عندهم تبدأ من 800 جنيه للسدر وبيوصل لـ6600 جنيه، و300 جنيه للبرسيم و320 جنيه للبردقوش والموالح، وهما كمان بيتميزوا أن عندهم تركيبات طاقة وعلاجية طبيعية من العسل ومشتقاته، ولنا تجارب معاهم كانت النتيجة ممتازة.

رقم التليفون: 01008736040

تقدروا تعرفوا أكتر عنهم من خلال صفحة الفيسبوك من هنا.

مواسم

من الأماكن اللي لينا معاهم تجربة قديمة وكانت ممتازة ورغم السنين الكتير اللي مرت ولكن فاكرين جودة العسل بتاعهم وكمان كنا معجبين بخدمة العملاء عندهم لأنها كانت ممتازة، وكمان كانت من ضمن ترشيحات القراء اللي جربوهم، وبيقدموا أنواع كتير من العسل موالح والسعر يبدأ من 279 جنيه لـ900 جرام، وعسل نوارة برسيم أوروبي بسعر 819 جنيه لوزن 2800 جرام، والعسل الجبلي يبدأ من سعر 1590 جنيه لكيلو الكشمير، وبيوصل لـ9999 جنيه للعسل العصيمي الجبلي، غير أنواع تانية كتير تبدأ من 299 جنيه وتوصل الأسعار حتى فوق الـ33 ألف جنيه.

رقم التليفون: 01119636666

تقدروا تعرفوا أكتر عنهم من خلال صفحة الفيسبوك من هنا.

ومتنسوش لو عندكم أماكن واثقين فيها وجربتوها عرفونا علشان نكتب عنها.