The Definitive Guide to Living in the Capital , Cairo , Egypt

أجواء رمضان دايمًا مبهجة، بزينته وفوانيسه وروحه ولمته، لكن السنة دي الموضوع مختلف كتير عن السنين اللي فاتت، وانتشار فيروس “كورونا” المستجد اللي أصاب ما يقرب من 2 مليون شخص حول العالم، وخلانا نقعد في البيت علشان نحافظ على نفسنا وأهلنا كان سبب في أن فرحة رمضان السنة دي ما تكملش بالنسبة لناس كتير.

لكن علشان فرحتنا تكمل، ونعيش أجواء رمضان رغم الظروف الصعبة، هنقول لكم على 3 أماكن تقدروا تشتروا منهم زينة وفوانيس وباقي احتياجات شهر الخير والكرم، شهر رمضان.

سوق

موقع سوق دوت كوم عارضين منتجات رمضان كاملة، يعني كل اللي هتحتاجوه هتلاقوه، وهتلاقوا عندهم زينة وفوانيس رمضان بأسعار تبدأ من 30 جنيه، وتقدروا تشوفوا المنتجات اللي محتاجينها وتشتروها من هنا.

جوميا

بيقدم موقع جوميا من خلال قسم خاص عليه، زينة رمضان ومفروشات ومستلزمات وفوانيس، وأسعارهم بتبدأ من 39 جنيه، وتقدروا تعرفوا أكتر عن منتجاتهم وتشتروا من هنا.

زينة رمضان

ودي صفحة على فيسبوك تقدروا تطلبوا منها كل اللي محتاجينه، وكل شغلهم هاند ميد، وهتلاقوا عندهم فروع نور نحاس وأطقم سفرة وكوستر وعياشة وخيامية بأسعار مختلفة، وتقدروا تطلبوا اللي محتايجنه منهم وهيوصلكم عن طريق الدليفري من هنا.