The Definitive Guide to Living in the Capital , Cairo , Egypt

شنط السفر أنواعها كتير، والجودة بتختلف حسب السعر، وأغلب حقائب السفر الموجودة في السوق المصري بيتم استريادها من الصين، وللأسف كتير من الشنط دي بتكون من خامات جودتها ضعيفة أو غير آمنة، ، لكن حاليًا ظهرت شنطة جديدة صناعة مصرية 100% من صناعة شركة مصرية اسمها “هامر”، والشنط دي، بحسب الشركة المصنعة، قوية وضد الكسر وممكن تتحمل مدرعة تمشي عليها!

في السطور الجاية هنقول لكم على كل المعلومات المتاحة عن الشنطة دي.

شنطة هامر مصنوعة من مادة البولي كاربونيت اللي بتستخدم في صناعة واقيات الرصاص وواجهة غرف قيادة الطائرات وأسقف وفوانيس العربيات، واللي مدعمة بمادة الـMasterpatch بمواصفات عالمية وضد الكسر وليها ضمان 3 سنين ضد عيوب الصناعة وضد كسر الهيكل نفسه، وكافة المواد المستخدمة مصرح بها، وفيها بطانة سهلة الفك والتركيب والكفر من البلاستيك الشفاف بدل القماش، والبطانة الداخلية مطرزة بطول الشنطة، والأقفال الخاصة بالشنطة حاصلة على موافقة الـTSA، وهي من إنتاج مصري 100%، وتم اختبارها في مصنع قادر التابع للقوات المسلحة وعدت عليها مدرعة وزن 13 طن ونجحت في الاختبار، وهي متوفرة بمقاسات وألوان محددة وثابتة.

الشنط بتتباع منها بشكل فردي بأسعار تبدأ من 1000 جنيه لمقاس 20 بوصة بطول 59 سم وعرض 37 سم وعمق 17 سم، و1500 جنيه لمقاس 24 بوصة بطول 68 سم وعرض 42 سم وعمق 27 سم، و2300 لمقاس 28 بوصة بطول 78 سم وعرض 48 سم وعمق 32 سم، ومتوفرة بألوان ” أزرق – وردي – بني – فضي – أصفر – أبيض – أزرق مخضر – أكوا”، وكمان متوفر عندهم شنط بدون عجل 12 بوصة بطول 24 سم وعرض 31 سم وعمق 15 سم، ومقاس 14 بوصة بطول 27 سم وعرض 35 سم وعمق 17 سم، ودول بيتباعوا في العروض ومش متاحين لوحدهم.

أما الأطقم المتاحة في العرض عندهم متوفرة بألوان، “زمرد –  سافاير – ياقوت – أكوا مارين – فيروز –  سيترين – حجر القمر – عقيق إسود – جارنيت – عقيق أبيض – أمثيست – نحاسيي”، ومتوفر عرض القطعتين مقاس “12، 14 بوصة”، وسعرهم 1250 جنيه، وعرض 3 قطع مقاس “20 – 24 – 28 بوصة” بسعر 4200 جنيه”، كمان فيه عرض 5 قطع شامل كل المقاسات من 12 بوصة حتى 28 بوصة بسعر 5200 جنيه.

بيتم تجهيز وتسليم الأوردر الخاص بالشنط بعد 14 يوم من تأكيد الطلب وبياخد كمان من يومين لـ3 أيام للوصول حسب المكان المشحون له ومتوفر الشحن المجاني للقاهرة الكبرى والإسكندرية في العروض، وكل شنطة بيكون جواها كارت الضمان شامل كل الشروط وبيتم احتساب الضمان بداية من يوم الاستلام وليس يوم الشحن أو الطلب.

تقدروا تطلبوا الشنط من الموقع الالكتروني لشركة هامر من هنا.

ولو عاوزين تعرفوا أكتر زوروا صفحتهم على فيسبوك من هنا.