The Definitive Guide to Living in the Capital , Cairo , Egypt

لما بننزل أسواق القاهرة المختلفة في رمضان بيكون هدفنا نشتري اللي نفسنا فيه وبس، لكن هل ده كافي؟ الحقيقة لأ، لازم كمان نشتري اللي هيفيدنا ويخلي صحتنا أفضل، علشان كده هنعرفكم على 5 أطعمة صحية لازم تتأكدوا إنها عندكم في البيت طول أيام رمضان، لإن الأطعمة دي بتساعد الجسم على التخلص من كل السموم.

تعالوا نعرف قائمة الأطعمة دي بحسب ما نشرها موقع مصراوي نقلًا عن موقع Food Revolution.

1 – الخضروات الخضراء والمورقة

من أكتر الأطعمة الصحية في العالم، واللي بتساعد بشكل كبير على التخلص من السموم، خصوصًا الخضروات المورقة واللي منها البروكلي والقرنبيط والكرنب.

وبيؤكد الخبراء إن الخضروات بتعزز صحة الكبد من خلال التأثيرات المضادة للسرطان والمضادة للالتهابات والفيروسات، بالإضافة إلى أنها غنية بالألياف وده بيحفز إخراج السموم من الجسم.

2 – الليمون

بيؤكد الخبراء إن حمض الستريك في الليمون بيحمي الكبد وبيعزز وظائفه وبيمنع الضرر التأكسدي المرتبط بالضغط، ده غير إن تناول الليمون بشكل يومي بيساعد في تنظيم ضغط الدم.

3 – الأفوكادو

الأفوكادو فيه نسبة كبيرة من مضادات الأكسدة، كمان الأحماض الدهنية اللي فيه بتساعد على حماية الجسم من الأضرار، وبتخلص الكبد من السموم الموجودة فيه.

4 – الشاي الأخضر

بيعتبر الشاي الأخضر أهم مساعد طبي من آلاف السنين، لإنه غني بمضادات الأكسدة وبيساعد على الحفاظ على توازن الجسم، كمان له تأثير وقائي على التخلص من السموم الموجودة بالجسم لإنه بيعزز إنتاج إنزيمات إزالة السموم.

5 – التفاح

بيساعد التفاح على تطهير الجسم، وده لإنه غني بالبكتين القابل للذوبان اللي بيشتغل على تطهير مجرى الدم من السموم وخفض نسبة الكوليسترول الضارة.