هتشتري خروف العيد؟.. 5 نصائح لازم تاخد بالك منها
اختيار الأضحية خروف العيد عيد الأضحى نصائح لشراء خروف العيد
Cairo 360
رنا شرف
عيد الأضحى قرب، كل سنة وكلكم بخير يا أهل القاهرة، وزي كل سنة، اليومين دول بنكون مشغولين بشراء الأضحية. في السطور الجاية هنعرض لكم نصائح نشرها موقع مصراوي نقلًا عن الدكتور محمد القرش، معاون وزير الزراعة واستصلاح الأراضي، هتساعدك في اختيار أفضل الأضحية.
1 – مهم تفحص الصوف كويس علشان تتأكد إنه ناعم الملمس ونظيف ومتماسك وا يكونش قابل للنزع بسهولة، ويكون مغطي البدن بالكامل، ومافيهوش أي بثور أو قروح جلدية.
2 – اختار الخروف اللي مافيهوش أي قطع في الأذن أو الذيل، وابعد عن بعض العيوب في الأضحية، زي إنها تكون عوراء أو عرجاء أو ما شابة.
3 – مهم يكون جسم الخروف خالي من الجروح الغائرة، ومايكوشن فيه أي علامات عن إصابته بطفيليات بالفروة.
4 – حاول تختار الخروف نشيط الحركة وابعد عن الخروف الخامل ومطأطئ الرأس أو الراقد.
5 – ابعد عن الأحجام الضخمة، الأفضل في الخروف يكون حجمه صغير أو متوسط.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
