The Definitive Guide to Living in the Capital , Cairo , Egypt

لو بتدور على شقة للشراء في القاهرة، هتحس أن الموضوع صعب جدًا ومجهد ومتعب، علشان كده هنعرضلك لك 5 نصائح مهمة نشرها موقع عقار ماب، تقدر تسهل عليك عملية البحث وكمان تجنبك المشاكل اللي ممكن تحدث بعد كده لو أنت مخدتش بالك.

1- حدد هدفك من شراء الشقة، فلو أنت عاوزها استثمار علشان تأجرها شهريًا أو تبيعها بعد فترة، أو عاوزها سكن وده لازم تهتم بالموقع والخدمات المحيطة بيها، أو مصيف واستجمام وهنا لازم تهتم بالتجهيزات وقرب المرافق الحيوية منها زي الشاطئ والحدائق طبعًا.

2- حدد إزاي هتدور على عقار بالطريقة الأنسب لك، وتقدر تدور من خلال المواقع المتخصصة أو من خلال إعلانات الكمبوند والصحف، وممكن تستعين بوكيل عقاري “سمسار” بشرط يكون شخص ثقة ومعروف بسمعته الكويسة، وأهم مصدر هم المعارف والأصدقاء ودوائرهم، أكيد هتستفيد منهم.

3 – حدد ميزانيتك، وحدد قوتك الشرائية، ودي أهم خطوة، لأن مهما دورت مش هتشتري غير بالمبلغ اللي انت محدده للشقة، علشان كده عامل الميزانية مهم لتحجيم دائرة البحث وتوفير وقتك.

4- اتواصل مع البائع مباشرة، وعاين العقار مرة واتنين وتلاتة في أوقات مختلفة، ولو عجبك ولقيته آمن ابدأ أدخل في مفاوضات الشراء وانتقال الملكية، وماتنساش تخليه يعمل تنازل عن العدادت رسمي.

5- اتأكد من سندات الملكية ولما تكتب عقدك لازم توثقه، ولو عليك باقي فلوس لازم تكتبها في العقد بتواريخها المستحقة، ولو الشقة اللي هتشتريها ورث لازم تطلب “إعلان الوراثة” وتخلي كل الورثة يمضوا على العقد لضمان حقوقك القانونية.