The Definitive Guide to Living in the Capital , Cairo , Egypt

كتير مننا بيتمنى يمارس رياضة خفيفة وبسيطة وفي نفس الوقت يكون مفعولها عظيم، ودي معادلة تبدو صعبة، لكن الحقيقة إن ركوب العجل بيوفر لك متعة كبيرة، وفوائد رياضية عظيمة. وولو كنت بتحب الانطلاق والاستمتاع بالهواء الطلق، أو الخروج في رحلة سفاري في المحميات الطبيعية بالقاهرة، العجلة هتخلي متعتك مضاعفة، لأنها بتوفر لك الرياضة اللي بتنشط الجسم كله، وفي نفس الوقت هتستمتع بالانطلاق بها في الهواء وخاصة في الأجواء الجميلة للطقس خلال فصل الخريف والشتاء.

في السطور الجاية هنقول لكم على 3 أماكن موثوقة تقدر تشتري منها دراجات رياضية (عجلة) علشان تاخد أول خطوة في الحفاظ على صحتك ومزاجك.

 

أبو الجوخ

مش مجرد متجر بيبيع عجل، لا دول عيلة كاملة، ومنتشرين في كل حتة في مصر، وعندهم كل أنواع العجل الرياضي المتميز وكمان عندهم كل الإكسسوارات وقطع الغيار.

العنوان: 16 شارع رشدي – وسط البلد.

وتقدروا تعرفوا أكثر عنهم من خلال صفحة الفيسبوك من هنا.

بسكلتة

من الأماكن المعروفة اللي بتقدم خدمات رياضية للدراجين وبيعملوا رايدات كتير ومشهورين بده، وبيبيعوا أجود أنواع قطع الغيار الخاصة بالعجل ده بخلاف أن عندهم أنواع كتير من الدراجات الهوائية الحديثة.

العنوان: 20 شارع الخليفة المأمون – مصر الجديدة.

تقدروا تعرفوا أكتر عنهم من خلال صفحة الفيسبوك من هنا.

 

طارة ومنفاخ

رغم إنهم مكان حديث نسبيًا، إلا أنهم عملوا اسم كبير في عالم بيع العجل ومستلزماته وبيقدموا خدمات كتير ومعروفين إنهم بايكر متعاونين جدًا.

العنوان: شارع الملك فيصل – عطاطي – الهرم – الجيزة.

تقدروا تعرفوا أكتر عنهم من خلال صفحة الفيسبوك من هنا.